rKTs

e-texts navigator

Volume

Page

177a₁ 'tshal nas phyogs gcig tu 'dug go/ / de nas shAkya'i bu bde byed bcom ldan 'das ga/ la bde logs su thal mo sbyar ba btud de/ bcom ldan 'das la 'di skad ces gsol to// bcom ldan 'das byang chub
177a₂ sems dpa' chos du dang ldan na bla na med pa yang dag par rdzogs pa'i byang chub las phyir mi ldog par 'gyur/ tshogs chung ngus kyang skyes bu chen po'i mtshan sum bcu rtsa gnyis mngon par sgrub par bgyid// sangs rgyas kyi zhing
177a₃ nas sangs rgyas kyi zhing du 'chi bar bgyid/ rmongs pa ma mchis par 'gum pa'i dus bgyid par 'gyur/ skyes nas kyang mngon par shes la lnga dang ldan par 'gyur// mi khom pa thams cad rnam par spong zhing khom pa 'byor pa thob
177a₄ par 'gyur/ gzungs kyang thob par 'gyur/ spobs pa thogs pa ma mchis pa dang yang ldan par 'gyur/ phyir mi ldog pa'i chos dang ldan zhing stong pa nyid la lhag par mos par yang 'gyur/ rtag tu rab tu 'byung ba la mngon par/
177a₅ dga' bar 'gyur/ khyim na gnas kyang rtag tu tshangs par spyod pa la mngon par dga' bar 'gyur lags/ de skad ces gsol pa dang / bcom ldan 'das kyis shAkya'i bu bde byed la 'di skad ces bka' stsal to// rigs kyi bu
177a₆ khyod de bzhin gshegs pa la don 'di yongs su zhu bar sems pa ni rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che'i don dang / lha dang mi rnams la phan pa dang /
177a₇ bde ba'i phyir zhugs pa yin te/ legs so legs so// de'i phyir rigs kyi bu khyod legs par rab tu nyon la yid la zung shig dang ngas khyod la bshad do// byang chub sems dpa' chos bzhi dang ldan na ji skad smos pa'i yon tan dang
177a₈ rjes su 'thob ste/ pa ni gang zhe na/ rigs kyi bu 'di la byang chub sems dpa' bzod pa'i stobs dang ldan zhing bzod pa la gnas pa de pha rol gshe yang slar mi gshe ba dang / brdegs kyang slar mi brdeg pa dang / mtshad brus kyang

_{iiif viewer powered by OpenSeadragon}

176b - 177b

Texts on this page