rKTs

e-texts navigator

Volume

Page

156b₁ des na/ / skyes bu bye ma des grangs med pa brgya stong dgu bcu rtsa dgur bsgyur ba 'das nas sangs rgyas kyi zhing grangs med pa bye ba khrag khrig phrag 'bum rnyed 'das pa na 'jig rten gyi khams mu tig can te/ de na
156b₂ n ga bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba bzhugs te 'tsho zhing bzhes la chos kyang ston
156b₃ to/ / gzhon na byang chub sems dpa'i theg pa la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa dgra btsam pa yang dag par rdzogs pa'i sangs rgyas rin chen 'od zer zla
156b₄ bas brgyan pa mkhas pa'i gzi brjid dbyangs kyi dbang phyug rgyal po de'i mtshan la som nyi mi za zhing ngas mthong ba la yang yid ches na/ de'i tshe 'das pa'i 'og tu 'khor los sgyur ba'i rgyal srid 'thob par
156b₅ 'gyur ro/ / de'i rgyal srid la yang sangs rgyas 'byung bar 'gyur zhing de bzhin gshegs pa de mthong nas kyang mchod pa dpag tu med pa byed par 'gyur/ tshangs par spyod par yang 'gyur// mngon par shes pa lnga yang
156b₆ rtogs par khong du chud par 'gyur/ / de bzhin gshegs pa de mthong ma thag tu gzungs brgya 'khyil ba zhes bya ba 'thob par 'gyur// gang gA'i klung gi bye ma snyed kyi sangs rgyas dag la bsnyen bkur byed par 'gyur/
156b₇ de snyed kyi bskal pa bye ba nyid du 'khor ba las phyir phyogs par byed par 'gyur// de'i sems shin du rmongs pa med cing bla na med pa yang dag par rdzogs pa'i byang chub tu 'gyur// sred med kyi bu'i lus ltar mkhregs pa'i
156b₈ lus su 'gyur/ / lus dbyibs gcig la sI dza ba zhi bar 'gyur/ de'i lus kyi mdog gser gyi kha dog 'dra bar 'gyur// skyes bu chen po'i mtshan sum bcu rtsa gnyis kyis lus brgyan cing tshangs pa'i thang byas su yang rgya

_{iiif viewer powered by OpenSeadragon}

156a - 157a

Texts on this page