| e-texts navigator |
| བོད་ཡིག |
214a1 bdag gis thos pa dus gcig na/ bcom ldan 'das rgyal po'i khab na bya rgod phung po'i ril dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu
214a2 mang po dang thabs cig tu bzhugs te/ de'i tshe bcom ldan 'das 'khor brgya stong phrag du mas mdun gyis bltas te chos ston to// de nas klu'i rgyal po ma dros pa klu'i rgyal po 'bum phrag drug bcu rtsa brgyad dang / klu'i bu mo brgyad khri
214a3 bzhi stong gis bskor te mdun du bdar nas sil snyan dang / glu dbyangs len cing klu'i mthu chen po dang / klu'i rdzu 'phrul chen pos me tog dang / bdug pa dang / spos dang / phreng ba dang / brug pa dang / phye ma dang / gos dang / gdugs dang
214a4 rgyal mtshan dang / ba dan rnams thogs te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ ji ltar thogs
214a5 pa'i me tog dang / bdug pa dang / spos dang / phreng ba dang khrug pa dang / gos dang / gdugs dang / rgyal mtshan dang kha dan dang / sil snyan dang / pheg rdob pa de dag gis bcom ldan 'das la mchod pa byas te/ gus pa dang bcas// zhes dang
214a6 bcas shing rang gi skye bo'i 'khor dang phyogs gcig tu 'dug go/ / 'dug nas kyang thal mo sbyar te bcom ldan 'das la 'di skad ces gsor to// gal te zhus nas zhub lung bstan pa'i slad du bcom ldan 'das kyis bdag la
214a7 skabs dbye bar gnang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis mkhyen bzhin du klu'i
214a8 rgyal po ma dros pa la 'di skad ces bka' stsal to/ / klu'i bdag po khyod sems can rnams kyi ched du de bzhin gshegs pa la ci 'dra ba zhig yongs su dri bar 'dod/ gsol pa/ bcom ldan 'das bdag byang chub sems dpa'
iiif viewer powered by OpenSeadragon
Texts on this page
Q823 - 'phags pa klu'i rgyal po ma dros pas zhus pa zhes bya ba theg pa chan po'i mdo