| e-texts navigator |
| བོད་ཡིག |
198a1 kyi mtshan nyid yin la/ stong pa nyid ni lung bstan du med do// rgyal po chen po chos thams cad ni mtshan ma med pa dang / smon pa med pa dang / mngon par 'du byed pa med pa'i mtshan nyid kyis mtshan ma med pa dang /
198a2 smon pa med pa dang / mngon par 'du byed pa med pa'i mtshan nyid ni lung bstan du med pa'o// rgyal po chen po gzhan yang sangs rgyas rnams kyi snying rje chen po 'di ni bsam gyis mi khyab ste/ ming med pa dang / mtshan ma med pa'i
198a3 chos thams cad ming dang mtshan mas ston par mdzad la/ sangs rgyas bcom ldan 'das rnams ni ming dang / mtshan ma'i rjes su 'brang ba'i rnam par shes pa can yang ma yin no// rgyal po chen po lung bstan pa 'di 'jig rten
198a4 brda sprad par zad de/ 'di la gang lung bstan par bya ba'i chos gang yang nang ngam phyi rol na mi dmigs so// rgyal pos smras pa/ klu'i bdag po bzod pa thob pa'i byang chub sems dpa' sems dpa' chen po lung bstan pa med dam
198a5 smras pa/ rgyal po chen po bzod pa de yang skad gcig pa/ zad pa'i mtshan nyid mi zad pa'i mtha' can/ yang dag pa'i mthar nges pa/ mnyam pa'i mtha' can/ gnyis su med pa'i mthar nges pa ste/ gnyis su med pa'i mtha' ni yang
198a6 dag pa'i mtha'o/ / yang dag pa'i mtha' ni gtan du mi 'byung ba'i mtha'o// mtha' can gang yin pa de ni 'dod chags dang / zhe sdang dang / gti mug rnams so// de'i mtha' can ni rnam par grol ba'i mtha'o// gang mtha' de'i sgor
198a7 zhugs pa ni gang du yang mngon par zhen pa med do/ / gang mngon par zhen pa de ni tha snyad kyis brta la chags pa med do// ma chags na grol bar 'gyur ro// grol na phyin chad mi nu rab tu mi rgyu'o// mi rgyu rab tu mi rkun gang du
198a8 yang nyams par mi 'gyur ro/ / blo ma nyams na thams cad las nges par 'byung bar mthong ste/ ji ltar rnam par mthong ba de ni de ltar yang mthong ngo // gang gi tshe rnam par mi mthong ba de'i tshe gnyis su mi 'byed do// gnyis su med pa
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo