| e-texts navigator |
| བོད་ཡིག |
195a1 'das klu rgyal po rgya mtshos yun ji srid cig nas ni bla na med pa yang dag par rdzogs pa'i byang chub tu sems bskyed lags/ de bzhin gshegs pa ji snyed cig la ni mchod pa bgyis/ yun ji srid cig
195a2 na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de mngon par rdzogs par sangs rgyas pa'i mtshan ni ci zhes bgyi bar 'gyur/ de'i sangs rgyas kyi zhing ni
195a3 ci 'dra bar 'gyur lags/ bcom ldan 'das kyis bka' stsal pa/ rgyal po chen po sngon byung ba 'das pa'i dus bskal pa grangs med pas ches grangs med pa/ bsam gyis mi khyab pa/ yun ring ba/ tshad med pa'i snga
195a4 r o la de'i tshe de'i dus na bskal pa yid du 'ong zhing zhi ba zhes bya ba la shar gyi phyogs kyi 'jig rten gyi khams yongs su dag pa zhes bya bar bcom ldan 'das de bzhin gshegs pa dgra bcom pa yang dag par rdzogs pa'i
195a5 sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od rnam par dag pa'i
195a6 'od zer rgyal po zhes bya ba 'jig rten du bung ste/ rgyal po chen po 'jig rten gyi khams lta ba yongs su dag pa de'i bkod pa byung ba de dag ni de'i tshe'i tshad bskal par gnas su zin kyang rgyas par bstan par sla ba ma
195a7 yin no/ / rgyal po chen po de'i tshe de'i dus na 'khor los bsnur ba'i rgyal po lngas btsa' zhes bya ba zhig byung ste/ bcom ldan 'das de bzhin gshegs pa 'od rnam par dag pa'i 'od zer rgyal po de la lo bzhi khri nyis stong gi
195a8 bar du mchod pa byas te/ dge ba'i rtsa bas nye bar brten pa de nyid log pa'i rmi lam du tshigs su bcad pa 'di gnyis thos so// skyes bu khyu mchog la ni mchod chen mang // / dpag med rgya chen bsam yas byas zin gyis/
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo