| e-texts navigator |
| བོད་ཡིག |
194b1 slong me'i khams kyi ting nge 'dzin la snyoms par 'jug pa de'i tshe stong gsum gyi stong chen po'i 'jig rten gyi khams mes yongs su gang bar mthong na/ de'i chu'i phung po de dag gang du song / gsol pa/ bcom ldan 'das de ni
194b2 ting nge 'dzin la dbang thob pa'i sems de lta bur las su rung bar gyur pa lags so/ / bka' stsal pa/ rgyal po chen po khyod kyis de nyan thos ting nge 'dzin dang / snyoms par 'jug pa la dbang thob pa'i sems las su rung ba
194b3 las gyur par 'dod na de bzhin gshegs pa rtag tu mnyam par bzhag pa/ ting nge 'dzin dang snyoms par 'jug pa thams cad la mkhas pa/ sems la dbang yod pa/ chos thams cad kyi dbang phyug/ chos la dbang yod pa'i ni de
194b4 ltar mi 'dod dam/ rgyal po chen po gang gi tshe nga rgya mtsho chen por zhugs pa de'i tshe chu de'i nang na gnas pa'i sems can rnams ni bdag nyid chu'i nang na gnas so snyam du 'dzin to// skams la gnas pa'i sems can rnams
194b5 kyis ni rgya mtsho chen po skams par mthong ngo / / ji ltar gzhan 'phrul dbang byed pa'i lha rnams kyi gnas kyi bkod pa rnams rgyan thams cad kyis brgyan pa de bzhin du klu dang dri za dang lha ma yin gyi gnas thams cad kyang de
194b6 bzhin gshegs pa'i 'od kyis khyab par gyur to/ / rgya mtsho chen po'i nang gi sems can thams cad kyang gcig la gcig byam papa'i sems dang / phan pa'i sems dang / gnod pa'i sems med pa dang / rnam par 'tshe ba med par
194b7 gnas par gyur to/ / de nas bcom ldan 'das la rgyal po ma skyes dgras 'di skad ces gsol to// bcom ldan 'das sangs rgyas bcom ldan 'das rnams kyi sangs rgyas kyi che ba nyid dang / byang chub sems dpa' rnams
194b8 kyi thabs la mkhas pa de tsam du bsam gyis mi khyab pa ni ngo mtshar lags te/ 'di ltar klu'i rgyal po rgya mchos de bzhin gshegs pa spyan drangs te/ de ltar sems can gyi don tshad ma mchis pa bgyis na/ bcom ldan
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo