| e-texts navigator |
| བོད་ཡིག |
191a1 shog/ de nas rgya mtsho chen po'i lha mo 'od ldan mas/ bcom ldan 'das la de skad bstod nas 'di skad ces gsol to// bcom ldan 'das bcom ldan 'das slar byung ste/ gshegs pas rgya mtsho chen po
191a2 mi mdzes pa legs na/ ci nas bdag rgya mtsho mdzes par bgyid pa de lta bur bcom ldan 'das kyis rjes su bstan na legaso legs so// de skad ces gsol pa dang / bcom ldan 'das kyis rgya mtsho chen po'i lha mo 'od
191a3 ldan ma la 'di skad ces bka' stsal to/ / 'od ldan ma chos bcu po 'di dag ni rgyan du 'gyur ba yin te/ bcu gang zhe na/ 'di lta ste/ dge ba bcu'i las kyi lam yongs su rdzogs par bya ba'i phyir byams pa'i rjes su 'jug
191a4 pa'i sems bskyed pa dang / sems can thams cad la rnam par mi 'tshe bar bya ba'i phyir snying rje chen po la gnas pa dang / bsam pa'i sbyor ba bla na med pa yang dag par rdzogs pa'i byang chub tu yongs su bsngo ba'i sems
191a5 bskyed pas dga' bar gnas pa dang / sbyin pa thams cad yongs su gtong ba dang / rnam pa sna tshogs kyi rgyan gyi smon lam la brtson 'grus brtan pa dang / dge ba'i rtsa ba'i chos thams cad yongs su rdzogs par bya ba'i phyir dran
191a6 ba dang / shes bzhin du gnas pa dang / sngon gyi dge ba chung mi za ba'i phyir dang / shes rab yongs su rdzogs par bya ba'i phyir chos dang ldan zhing chos 'dod pa dang / phan pa'i dngos pos sems can thams cad la yon tan thams
191a7 cang skyed pa dang / gnyis su med pas gong du khyad par rtogs pa dang / sangs rgyas kyi thugs su chud pa la yang dag par gnol bas sangs rgyas rjes su dran pa 'thob pa ste/ 'od ldan ma chos bcu po de dag ni rgyan du wung
191a8 pa yin no/ / de skad ces bka' stsal pa dang / rgya mtsho chen po'i lha mo 'od ldan ma lha mo khri dang lhan cig tu bla na med pa yang dag par rdzogs pa'i byang chub tu sems bskyed nas/ bcom ldan 'das la 'di skad ces gsol to//
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo