| e-texts navigator |
| བོད་ཡིག |
187a1 rtag gis khyed lhan cig 'thun pa dang / gnod sems med pa dang / 'jig rten pha rol la lta ba dang / las kyi rnam par smin pa la rton pas gnas par gyis shig/ bcom ldan 'das kyis de ltar ci nas sum bcu rtsa gsum pa'i
187a2 lha rnams dang / lha ma yin de dag 'thun par gnas par 'gyur ba de lta bu'i skye ba'i gtam mdzad do// de nas tshig 'di skad ces gsol to// bcom ldan 'das bdag cag deng slan chad mnyen pa'i tshul du bgyid cing gcig la gcig byams
187a3 ba'i sems dang gnod sems ma mchis pas gnas par 'tshal lo/ / bcom ldan 'das kyis bka' stsal pa/ glegs po dag legs so legs so// byams pa'i sems gang yin pa de ni de bzhin gshegs pa rnams kyi mchod pa'i mchog
187a4 yin no/ / rdzas las byung ba'i bsod nams bya ba'i dngos po rnams kyis mchod pas ni 'di lta ste/ byams pa'i sems kyi ting nge 'dzin de mchog yin te/ ngas de las dgongs nas de skad bstan to// grogs po dag gzhan yang bzhi
187a5 po 'di dag ni de bzhin gshegs pa la mchod pa khyad par du 'phags pa yin te/ bzhi gang zhe na/ bslab pa las 'gal bar mi byed pa dang / byams pa'i lus dang ngag dang yid kyi las dang / dkon mchog gsum gyi gdung mi 'chad
187a6 par bya ba'i phyir byang chub kyi sems dang / ji ltar thos pa'i chos la so sor rtog pa'i chos kyi nan tan te/ bzhi po de dag ni de bzhin gshegs pa la mchod pa khyad par du 'phags pa'o// bstan pa 'di thos nas lha'i 'khor
187a7 dang lha ma yin gyi 'khor de dag gi nang nas bzhi khris byang chub tu sems bskyed do/ / de nas bcom ldan 'das la klu'i rgyal po dbugs can dang / klu'i rgyal po dbugs can chen po dang / 'jog po dang / kha dog mtha' yas
187a8 kyis 'di skad ces gsol to/ / bcom ldan 'das rgya mtsho chen po 'di'i nang na klu'i rigs tshad ma mchis pa las kyi rnam par smin pa sna tshogs las skyes pa gang dag mchis te/ de la kha cig ni dbang cher grags pa lags
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo