rKTs

e-texts navigator

Volume

Page

186b₁ rgyas kun du rnam par gzigs shes bya bar 'gyur ro/ / 'jig rten gyi khams snang ba can de yang de bzhin gshegs pa de'i 'od kyis rtag tu spang bar 'gyur ro// nam ring ba byang chub sems dpa' ni bye ba phrag dgu bcu rtsa gnyis su 'gyur ro//
186b₂ de'i tshe'i tshad ni bar gyi bskal pa bcur 'gyur ro// de nas klu'i bu mo khri po de dag gis kyang bcom ldan 'das la 'di skad ces gsol to// bcom ldan 'das gang gi tshe de bzhin gshegs pa kun tu rnam par gzigs des byang chub brnyes pa
186b₃ de'i tshe/ bdag cag 'jig rten gyi khams der skye bar gyur cig ces gsol nas/ de dag kyang bcom ldan 'das kyis 'jig rten gyi khams der skye bar lung bstan to// de nas bcom ldan 'das la lha'i dbang po brgya byin gyis 'di skad
186b₄ ces gsol to/ / bcom ldan 'das sum bcu rtsa gsum pa'i lha 'di dag ni lha ma yin gyis 'jigs pas rtag tu sreg bzhin du gnas la lha dang / lha ma yin g.yul 'gyed pa na yang phan tshun rtsod cing 'gyed par bgyid de/ de las
186b₅ ni bcom ldan 'das de bzhin gshegs pas ci nas sems can thams cad sems 'thun par 'gyur ba de lta bur chos bstan na leg so legs so/ / 'khor 'dir lha dang lha ma yin 'dus pa 'di dag thams cad kyang / ci nas gcig la gcig
186b₆ 'thun par bgyid pa dang / byams par sems pa dang / phan par sems pa dang / gnod par sems par mi 'gyur ba de lta bur sems dad par bcom ldan 'das kyis mdzad du gso// de nas bcom ldan 'das kyis lha ma yin gyi dbang
186b₇ posgrag can dang / lha ma yin gyi dbang po bde mchog dang / thags zangs ris dang / lag bzangs dang / sem byed rnams la bka' stsal pa/ grogs po dag byams pa ni sangs rgyas thams cad kyis bsngags so// byams pa'i rjes su 'ju
186b₈ pa'i skyes bu gang zag gis ni tshe 'di dang / tshe phyi ma'i don thob par 'gyur ro// grogs po dag tshe 'di ni yun thung ngo // tshe phyi mar ni 'gro dgos so// 'byor pa thams cad kyi mtha' ni rgud pa'o// rgyal po'i longs spyod dang dbang phyug rnams ni mi

_{iiif viewer powered by OpenSeadragon}

186a - 187a

Texts on this page