rKTs

e-texts navigator

Volume

Page

186a₁ rkyen shin du btags pas 'gal ba ma mchis pa lags so/ / 'thar ma dran bdan pa lags so// 'bar la dan ma skye mi 'gag pa lags so// 'bang la dan spang ba nyid dang / mtshan ma med pa dang /
186a₂ smon pa med pa lags so// btsun pa 'od srung chen po 'khor lo de 'dra ba gang lags pa de'i bskor ba ci 'dra ba zhig lags/ smras pa/ bu mo khyod kyi bstan pa 'di 'dra ba las na/ khyod ni ring po mi thogs par bla na med pa
186a₃ yang dag par rdzogs pa'i byang chub mngon par rdzogs par 'tshang rgya bar 'gyur ro/ / smras pa/ gang gi tshe gnas brtan byang chub mngon par rdzogs par 'tshang rgya bar 'gyur ba de'i tshe/ bdag kyang mngon par rdzogs par 'tshang rgya
186a₄ rgya bar 'gyur lags so/ / smras pa/ kho bo byang chub mngon par rdzogs par 'tshang rgya bar 'gyur ba de ni gnas med skabs med do// smras pa/ de de lta lags te/ byang chub ni gnas ma mchis pa la gnas pa ste/ de ni sus kyang
186a₅ mngon par rdzogs par 'tshang rgya bar mi nus lags so/ / bu mo des bstan pa 'di bshad pa na/ byang chub sems dpa' lnga brgyas mi skye ba'i chos la bzod pa thob par gyur to// bcom ldan 'das kyis kyang bu mo de la legs so/
186a₆ zhes bya ba byin te/ bu mo legs so legs so// khyod kyi chos bstan pa 'di legs par smras so// // bam po drug pa// de nas 'khor de'i nang nas lha dang / klu dang / gnod sbyin dang / dri za kha cig 'di snyam du sems te/ bu
186a₇ mo 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam pa dang / bcom ldan 'das kyis de dag gi bsam pa thugs su chud nas/ dge slong dag la bka' stsal pa/
186a₈ dge slong dag bu mo rin chen sna tshogs can 'di ni bskal pa grangs med sum brgyan bskal pa rnam par sbyong ba zhes bya ba la 'jig rten gyi khams snang ba can du de bzhin gshegs pa dgra bcom pa yang dag par rdzogs pa'i sangs

_{iiif viewer powered by OpenSeadragon}

185b - 186b

Texts on this page