rKTs

e-texts navigator

Volume

Page

177a₁ yang dag par sang yang dag par zhugs pa dang / lha dang mi rnams kyi nang na ma kham pa dang bral ba yin te bcu pa de dag go// log par lta ba blangs pa'i dge ba'i rtsa ba de gal te bla na med pa yang dag par rdzogs pa
177a₂ byang chub tu yongs su bsngon/ des de byang chub thob pa na/ sangs rgyas kyi chos thams cad de la mngon sum du 'gyur zhing mngon par shes pa myur ba'i de bzhin gshegs par 'gyur ro// klu'i bdag po de la srog gcod pa spangs pa'i
177a₃ byang chub sems dpas sbyin pa byin na longs spyod che bar 'gyur zhing tshe ring bar yang 'gyur ro/ / byang chub sems dpa'i spyad pa spyod pa na yang gzhan gyis gnod par bya ba thams cad las yang dag par 'da' bar 'gyur ro// ma byin
177a₄ par len pa spangs pa'i byang chub sems dpas sbyin pa byin na/ longs spyod che bar 'gyur zhing longs spyod mi 'phrogs par yang 'gyur ro// byang chub sems dpa'i spyad pa spyod pa na yang dge ba'i rtsa ba thams cad yang dag par bsgrub
177a₅ pas bla na med pa 'thob par 'gyur ro/ / 'dod pa la log par g.yem pa spangs pa'i byang chub sems dpas sbyin pa byin na longs spyod che bar 'gyur zhing chung ma mi g.yem par yang mi 'gyur ro// byang chub sems dpa'i spyad pa spyod pa
177a₆ na yang de'i ma dang / bu dang chung ma la su yang chags pa'i sems kyis lta bar mi 'gyur ro// brdzun du smra ba spangs pa'i byang chub sems dpas sbyin pa byin na/ longs spyod che bar 'gyur zhing longs spyod mi 'brogs pa dang / skur pa 'debs
177a₇ pa med par 'gyur ba'i lam yang yongs su 'dzin par 'gyur ro/ / byang chub sems dpa'i spyad pa spyod pa na yang ji skad smras pa de bzhin du byed de dam bcas pa brtan par 'gyur ro// phra ma spangs pa'i byang chub sems dpas sbyin
177a₈ pabyin na longs spyod che bar 'gyur zhing g.yog 'khor mi phyed par yang 'gyur ro/ / byang chub sems dpa'i spyad pa spyod pa na yang bsam pa 'thun pas byang chub sems dpa'i g.yog 'khor 'thob bo// zag rtsub po spangs pa'i byang chub

_{iiif viewer powered by OpenSeadragon}

176b - 177b

Texts on this page