| e-texts navigator |
| བོད་ཡིག |
163b1 yid dang dran pa la// zhugs par gyur na chos shes zhugs pa ste// thos pa gang yin nams kyang chung mi za// ji skad thos pa mtshungs par ril gyis 'dzin// gzungs ni chos nyid 'gal ba ma yin la// de ni chos la'ang ma yin te// chos dang shin/
163b2 du mi mtshungs mi mnyam mnyam// chos nyid sbyor dang ldan phyir gzod nas zhi// mi zad pa'i za ma tog gi gzungs kyi sbyor ba 'di bstan pa dang // tshigs su bcad pa mngon par bsgrub pa 'di bstan pa na// klu'i rgyal po rgya mtsho'i 'khor gyi nang/
163b3 nas klu khri nyi stong gis bla na med pa yang dag par rdzogs pa'i byang chub tu sems bskyed de/ de dag gis tshig 'di skad du/ bcom ldan 'das bdag cag kyang ma 'ongs pa'i dus na/ mi zad pa'i za ma tog gi gzungs 'di thob nas ji ltar da
163b4 ltar na/ de bzhin gshegs pa'i chos ston pa de kho na bzhin du sems can thams cad la chos ston par gyur cig ces kyang smras so// // za ma tog gi gzungs kyi phan yon gyi le'u ste bzhi pa'o// // bam po bzhi pa//
163b5 de nas bcom ldan 'das la tshe dang ldan pa shA ri'i bus 'di skad ces gsol to// bcom ldan 'das klu'i skye gnas su skyes pa dag kyang 'di ltar bla na med pa yang dag par rdzogs pa'i byang chub tu sems bskyed par bgyid la/ 'di
163b6 na mir gyur pa kha gcig ni byang chub tu sems bskyed pa'i rngo mi thog pa ni ngo mtshar lags so/ / bcom ldan 'das kyis bka' stsal pa/ shA ri'i bu khri nyis stong po 'di dag ni de bzhin gshegs pa 'od srung gi gsung rab la rab tu
163b7 byung bar gyur te/ 'di dag gis de bzhin gshegs pa de las byang chub kyi sems dang ldan pa'i gtam cig thos so// thos nas kyang de bzhin gshegs pa de la legs so zhes bya ba gsol to// theg pa chen po ni bsam
163b8 gyis mi khyab ste/ legs so legs so zhes tshig du smras so// mi dge ba'i 'du 'dzi 'di lta ste/ mdza' shes kyi khyim dang / slongs mo gter ba'i khyim yongs su bzung ba'i phyir tshul khrims rnams nyams su ma blangs par
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo