rKTs

e-texts navigator

Volume

Page

158b₁ da la lha'i rgyal pos de'i rgyal po bsod nams mi zad pa de la bstan pa de gzhan zhig yin snyam du sems na khyod kyis de ltar mi blta'o/ / de ci'i phyir zhe na/ mi zad pa'i za ma tog gi gzungs 'di nyid de'i tshe rin po che'i tha ma tog ces bya'o//
158b₂ bdag pa de ltar na de bzhin gshegs pa ni sangs rgyas kyi spyan chags pa med pas rnam par gzigs nas sems can rnams la sngon gyi rgyalas byung ba'i chos kyi gtam brjod pa mdzad do// klu'i bdag po khyod kyis de bzhin gshegs
158b₃ mang po las mi zad pa'i tham tog gi gzungs 'di thos so/ / khyod kyis sangs rgyas 'bum phrag mang po las gzungs 'di don yang dang yang du thos te/ des na kar khyod 'di ltar dran pa dang ldan pa dang / 'di ltar blo zos dang ldan pa dang
158b₄ 'di ltar rtogs pa dang 'di ltar spod ba phun sum tshogs pa dang 'di ltar shes rab dang ye shes dang ldan pa yin no/ / klu'i bdag po gang dag mi zad pa'i za ma tog gi gzungs 'di'i ming tsam 'am/ bstan pa'i phyogs tsam thos pa de
158b₅ dag thams cad kyang spobs pa mi zad par nges par 'byung bar 'gyur ro/ / de ci'i phyir zhe na/ gzungs 'di'i rgyu dang 'thun pa ni de yin pa'i phyir ro// klu'i bdag po gzungs kyi nges par 'byung ba'i bsrung ba 'di phyi ma'i dus phyi ma'i
158b₆ tshe spyod par 'gyur ba gang yin pa de dag thams cad kyang de bzhin gshegs pa'i byin gyi brlabs kho na las gyur par blta bar bya'o/ / klu'i bdag po de la gzungs 'di ni chos kyi phung po brgyad khri bzhi stong gi sgo yin no// spyod pa
158b₇ brgyad khri bzhi stong la 'jug pa yin no/ / ting nge 'dzin brgyad bri bzhi stong gi rjes su 'gro ba yin no// gzungs brgyad khri bzhi stong gi rtsa ba ni mi zad pa'i za ma tog gi gzungs 'di nyid yin no// klu'i bdag po byang chub sems dpas phyogs bcu
158b₈ chags pa med cing thogs pa med par so so yang dag par rig pa bzhis chos kyi char chen po rab tu 'bebs pa gang yin pa de yang mi zad pa'i ma tog gi gzungs 'ba' shig gi rgyu dang 'thun pa las gyur pa yin no/ / klu'i bdag po

_{iiif viewer powered by OpenSeadragon}

158a - 159a

Texts on this page