rKTs

e-texts navigator

Volume

Page

142a₁ pa 'am smra bar nus te/ 'di ltar chos kyi dbyings kyi rang bzhin brjod du med pa dang / chos thams cad chos kyi dbyings kyi rang bzhin can yin te/ de lta bas na chos thams cad brjod par mi nus so// klu'i
142a₂ bdag po sangs rgyas kyi chos 'di dag ni rnam grangs 'di dang tshul 'dis stan mod kyi/ 'on kyang sangs rgyas kyi chos de dag ni sgra'i rnam par rig par byed kyis rnam par rig par bya ba ma yin no// klu'i bdag po sangs rgyas kyi
142a₃ chos rnams ni 'dus byas dang / 'dus ma byas kyi chos rnams kyis rnam par rig par bya ba ma yin/ gdags par bya ba ma yin no// de ci'i phyir zhe na/ klu'i bdag po 'dus byas dang / 'dus ma byas la ma gtogs par gang
142a₄ gzhan du bgrang du rung ba'i chos ci yang med do/ / gsol pa/ bcom ldan 'das 'o na sangs rgyas kyi chos rnams 'dus ma bgyis pa lags sam/ de bzhin gshegs pa yang de lta bu lags sam/ bcom ldan 'das kyis
142a₅ bka' stsal pa/ klu'i bdag po de de bzhin no// de de bzhin te/ sangs rgyas kyi chos rnams kyang 'dus ma byas pa'o// de bzhin gshegs pa yang 'dus ma byas pa'o// klu'i bdag po de la ji snyam du sems/ 'dus ma byas pa la
142a₆ gdags pa ci yang yod dam/ gsol pa/ bcom ldan 'das de ni ma lags so// bcom ldan 'das kyis bka' stsal pa/ klu'i bdag po rnam grangs 'dis kyang khyod kyis ji ltar sangs rgyas kyi chos rnams rnam par rig
142a₇ par bya ba ma yin pa dang / gdags par bya ba ma yin pa de ltar rig par bya'o// sangs rgyas kyi chos rnams ji lta ba bzhin du chos thams cad kyang de dang 'dra'o// klu'i bdag po sems can rnams la de bzhin gshegs pa'i
142a₈ thugs rje chen po ji tsam du bstan pa la ltos/ / 'di ltar rnam par rig par bya ba ma yin pa dang / gdags par bya ba ma yin pa'i chos rnams ming dang brdas 'dogs par mdzad de/ chos 'di dag ni zag pa dang bcas pa'o// chos

_{iiif viewer powered by OpenSeadragon}

141b - 142b

Texts on this page