| e-texts navigator |
| བོད་ཡིག |
140a1 'grus rnam par 'phel ba des kyang chos kyi dbyings rnam par 'phel ba dang / yongs su 'grib par yang dag par rjes su mi mthong ba gang yin pa dang / des chos thams cad chos kyi dbyings su yang dag par
140a2 'du bar rig nas chos gang yang bden par yongs su grub par yang dag par rjes su mi mthong la/ mi bden pa phyin ci log la 'jig rten gnas pa yang mthong ba dang / des de ltar shes rab rnam par dag pa'i sgo nas chos thams
140a3 cad la rnam par lta ba na chos rnams 'phel bar yang mi byed/ 'grib par yang mi byed pa dang / chos thams cad spangs pa'i rang bzhin ma yin pa dang / yul na mi gnas pa dang / phyogs na mi gnas pa dang / gang nas kyang
140a4 mi 'ong ba dang / gang du yang mi 'gro bar rab tu shes te/ de de lta bu'i chos dang ldan pas phyin ci log pa yang dag pa ji lta ba bzhin du yongs su shes par bya ba'i phyir sems can rnams la chos ston pa'i brtson 'grus rtsom la/
140a5 sems can de dag kyang yang dag par mi dmigs te/ sems can mi dmigs pa gang yin pa de nyid de'i chos thams cad mi dmigs pa'o// de ci'i phyir zhe na/ sems can la ma gtogs pa'i chos gang yang med la/
140a6 chos la ma gtogs pa'i sems can rnams kyang med mod kyi/ 'on kyang chos kyi ngo bo nyid gang yin pa de ni bdag gi ngo bo nyid do// bdag gi ngo bo nyid gang yin pa de ni chos thams cad kyi ngo bo nyid do// chos thams cad
140a7 kyi ngo bo nyid gang yin pa de ni sangs rgyas kyi chos rnams kyi ngo bo nyid do/ / ngo bo nyid mnyam pa nyid 'dis sangs rgyas kyi chos thams cad tshol ba gang yin pa dang / btsal nas kyang chos kyang mi dmigs/ chos ma
140a8 yin pa yang mi dmigs pa dang / tshol ba na yang gang gis btsal ba dang / gang btsal ba dang / sus btsal ba de dag thams cad mi dmigs pa 'di ni byang chub sems dpa' shes rab kyi gnas la gnas pa'i
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo