| e-texts navigator |
| བོད་ཡིག |
138a1 grangs med pa'i don mdzad pa'i phyir ro// gzhan yang sems can gang chos kyi rnam grangs 'di thos pa de dag ni dge ba'i rtsa ba ngan don ma yin pa dang ldan pa yin na sems can gang dag thos nas kyang 'chang
138a2 bar byed pa lta ci smos te/ de dag gis ni mir skye ba rnyed pa legs par rnyed do// de dag gis de bzhin gshegs pa legs par mthong ngo // de dag gis ni chos kyi rnam grangs 'di legs par thos so// chos kyi tshul gyi rnam pa 'di
138a3 thos nas bla na med pa yang dag par rdzogs pa'i byang chub tu sems bskyed pa gang yin pa de dag gi ngan song thams cad ni bkag par gyur to/ / de dag gi lha dang mir skye ba'i sgo rnams ni phye bar gyur to// de dag ni yongs su mya ngan
138a4 las 'das zin par rig par bya'o zhes brjod do/ / de nas bcom ldan 'das kyis lha'i bu de dag la legs so zhes bya ba byin te/ grogs po dag legs so legs so// khyed kyis tshig 'di legs par smras so// mdo sde'i tshig
138a5 bstan pa 'di lta bu dag la dga' ba thob pa'i sems can gang yin pa de dag ni sangs rgyas kyis byin gyis brlabs pa dang / theg pa chen pos 'dul ba yin no// sems can de dag ni sangs rgyas kyi ye shes kyis thugs su chud/
138a6 pa dang / phyir mi ldog pa'i phyag rgyas btab pa yin no// chos kyi rnam grangs 'di la dga' ba thob pa gang yin pa'i sems can de dag ni de bzhin gshegs pa'i ye shes 'ba' shig la yang dag par gzhol ba
138a7 ma gtogs pa de dag 'gro bar mi 'gyur na gang dag bsngags pa thos nas 'dzin par byed pa dang / de bzhin nyid du sgrub pa rnams sa ci sngos// klu'i rgyal po rgya mchos zhus pa las gleng gzhi'i le'u ste dang po'o//
138a8 bam po gnyis pa/ de nas klu'i rgyal po rgya mchos bshad pa 'di thos nas tshim ni dam gul yid rangs te/ rab tu dga' zhing dga' ba dang yid bde ba skyes nas/ rgya mtsho'i gnas rnam par dag par byed/
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo