| e-texts navigator |
| བོད་ཡིག |
134a1 rna ba rnam par dag par 'gyur ro/ / sems kyis nges par brtags pas ni gzhan gyi sems shes pa rnam par dag par 'gyur ro// dge 'dun rjes su dran pas ni sngon gyi gnas rjes su dran pa shes pas rnam par dag par
134a2 'gyur ro/ / 'dun pa drag pos ni rdzu 'phrul gyi bya ba shes pa rnam par dag par 'gyur ro// chos sgrub pas ni zag pa zad pa shes pa rnam par dag par 'gyur ro// de la mngon par shes pas rnam par rtse ba gang zhe na/ klu'i bdag po 'di la
134a3 nyan thos dang / rang sangs rgyas rnams kyi lha'i mig gang yin pa dang / phyi rol gyi drang srong mngon par shes pa lnga dang ldan pa rnams kyi lha'i mig gang yin pa dang / lha dang klu dang / gnod sbyin dang dri za dang / lha ma yin dang nam mkha'
134a4 lding dang mi 'am ci dang / lto 'phye chen po dang / mi dang mi ma yin pa rnams kyi lha'i mig gang yin pa de bas ni byang chub sems dpa'i lha'i mig de chos 'das pa dang / ches gsal ba dang / ches khyad par du 'phags pa dang / ches
134a5 mchog tu gyur pa dang / ches rnam par dag pa ste/ de'i lha'i mig des na de bzhin gshegs pa'i spyan gyi yul ma gtogs par sems can du snang ba'am/ gzugs su snang ba'am/ chos su snang ba gang yang mi rtogs pa dang
134a6 mi mthong ba dang / mi shes pa ci yang med do// klu'i bdag po de la nyan thos dang / rang sangs rgyas rnams kyi lha'i rna ba gang yin pa nas/ mi dang mi ma yin pa'i bar rnams kyi lha'i rna ba gang yin pa de bas ni byang chub sems dpa'i lha'i
134a7 rna ba de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de lha'i rna ba'i dbang po des ni de bzhin gshegs pa'i snyan gyi yul ma gtogs par
134a8 sgrar grag pa gang yang thos par mi 'gyur ba ci yang med de/ des ni sgra thams cad kyi sngon gyi mtha' dang / phyi ma'i mtha' yongs su gcod pa rab tu shes so// klu'i bdag po de la byang chub sems dpas ni sems can thams cad
iiif viewer powered by OpenSeadragon
Texts on this page
Q820 - 'phags pa klu'i rgyal po rgya mtshos zhus pa zhes bya ba theg pa chen po'i mdo