| e-texts navigator |
| བོད་ཡིག |
192b1 legs so rin chen gter/ / dbul po ngas rnams la sbyin mi mdzad// shin du legs so mi'i rgyal// ting nge 'dzin las bzhengs su gsol// shin du legs so klu yi rgyal// bdud rtsi ma rab dbab du gsol// shin du
192b2 legs so lha yi mchog/ myur du chos rnams bstan du gsol// shin du legs so sems can la// theg pa gcig don bstan du gsol// de nas bcom ldan 'das ting nge 'dzin de las bzhengs nas 'khor mang po rnams la
192b3 'di skad ces bka' stsal to/ / nga la rin po che bla na med pa'i ye shes mang du yod pa khyed la phan pa dang bde bar mdzad cing dbul 'thongs pa dang bral bar bya ba yod kyis the tsom ma byed par ci dang ci 'dod pa dris shig/ de nas dga'
192b4 bos stan las langs te sangs rgyas la 'di skad ces gsol to/ / bcom ldan 'das bdag gis ni mang du thos pas bla na med pa'i byang chub myur du 'thob snyam na mdo sde dag las bshad pa thos pa ltar na mang du thos shing shes
192b5 rab rno ba'i dbang po dang ldan pa ni byang chub thob pa shin du dka' ste bgegs brgyad du skye'o zhes 'byung na/ bdag gis ji ltar bla na med pa'i byang chub thob par 'gyur/ bcom ldan 'das kyis dga' bo la bka' stsal pa/
192b6 dga' bo mang du thos pa la sems rnam pa gnyis te/ gang zhe na/ ting nge 'dzin gyi sems dang / 'khrul pa'i sems so// sems ting nge 'dzin la gnas na ni mang du thos pas kyang gnod pa med do// sems 'khrul pa la
192b7 gnas na ni mang du thos pas kyang phan pa med de gang gis ting nge 'dzin dang shes rab dang shin du ldan na myur du bla na med pa'i byang chub thob par 'gyur ro/ / dga' bos gsol pa/ bcom ldan 'das ci'i slad du mdo kun las
192b8 ting nge 'dzin dang / shes rab ni mchog dam pa'o zhes bstod/ bcom ldan 'das kyis dga' bo la bka' stsal pa/ dga' bo ting nge 'dzin dang / shes rab tu ldan pa ni dper na ri dgas kyi nang na seng ge mchog tu gyur pa dang / skang
iiif viewer powered by OpenSeadragon
Texts on this page
Q805 - 'phags pa ting nge 'dzin mchog dam pa