rKTs

e-texts navigator

Volume

Page

149b₁ bar kun stong zhing mi g.yo ba de lta bu'i gzhung dag pa dang / shes rab dang yang dag pa'i mi g.yo ba bstan par smon to// btsun pas rtag tu de lta bu bden pa mi g.yo ba'i stong pa'i chos bstan pa sman bzang po lags so// sangs
149b₂ rgyas kyis gsungs pa de yin no/ / de ci'i phyir zhe na/ stong pa'i phyir ro// stong pa'i ngo bo nyid la skye ba med do// sems la rtag par skye ba med do// stong pa'i ngo bo nyid la zhi ba med de/ sems la yang bya ba yang med do// stong pa'i las
149b₃ 'byung 'jug med de/ thob pa dang stong pa'i rnams dang bral bas phung po dang / khams dang / zhugs pa la sogs pa kun kyang med do// sems mi g.yo ma chags pa de dang mtshungs so// byang chub sems dpa'i stong pa'i rnams
149b₄ bshad pa ni yod pa'i bshig pa'i phyir ro/ / byang chub sems dpa' sa'i snying pos gsol pa/ btsun pa yod pa btsal na bden pa ma mchis te/ smig rgyu dang chu dang mtshungs bden par rig ste/ med pa ma lags na me'i rang
149b₅ bzhin dang mtshungs so/ / de lta bur rtog pa ni mi 'dzangs pa lags so// sangs rgyas kyis gsungs pa de yin no// ji ltar mi des yang dag pa la brtags te/ stong pazhi pa gcig pu'i mtshan ma la brtags na mtshan ma med pa
149b₆ dang mtshungs so/ / stong pa spyad de blangs nas stong pa spyad pas na sangs rgyas mthong ba ma stor to// sangs rgyas mthong ba spyad pa na 'bab pa gsum dang bral te/ theg pa chen po'i chos kyi nang na grol thar gsum gyi lam mad
149b₇ gcig ste/ ngo bo nyid med do// de'i ngo bo nyid med pas na stong ngo do// stong pas na mtshan ma med do// mtshan ma med pas na bya ba med do// bya ba med pas na btsal ba med do// btsal ba med pas na smon lam med do// de lta bu'i las
149b₈ spyad pas na sems gtsang do/ / sems gtsang bas na sangs rgyas mthong ngo // sangs rgyas thob pa na yul gtsang mar skye'o// byang chub sems dpa' de lta bu'i zab mo'i chos bstan pas gsum 'grus par spyad de shes rab

_{iiif viewer powered by OpenSeadragon}

149a - 150a

Texts on this page