rKTs

e-texts navigator

Volume

Page

135b₁ khams so cog stong pa ji lta bur mthong / sangs rgyas kyis gsungs pa// mthong ba nyid mi bden pa yin no// ji lta zhes bya na/ yod do cog thams cad kyang skye ba med/ mtshan ma yang med de/ phyi mo nas rang gi ming med pas kun kyang
135b₂ stong pa mi g.yo ste/ chos so cog gi mtshan ma yang de dang mtshungs so// sems can thams cad kyi lus kyang de dang mtshungs te/ lus kyang med na ji ltar mthong zhes bya/ chags med byang chub sems dpas gsol pa// khams
135b₃ thams cad kyang stong/ lus thams cad kyang stong / rnam par shes pa thams cad kyang stong na tshor ba yang stong pa'i rigs so// sangs rgyas kyis gsungs pa/ tshor ba gcig po zhes bya ba ni mi zhigs mi dngas te/ yang dag
135b₄ par mi 'gyur ba'i ngo bo nyid ni stong pa yang ma yin/ mi stong pa yang ma yin/ stong pa yang med/ mi stong pa yang med do// chags med byang chub sems dpas gsol pa/ khams kyi rnams kyang de bzhin te/ stong pa'i mtshan ma yang/
135b₅ ma mchis/ stong pa'i mtshan ma mchis pa yang ma mchis so// sangs rgyas kyis gsungs pa ma yin no// khams shes bya ba ni phyi mo'i ngo bo nyid yang dag par mi 'gyur bas yang dag par mi 'gyur ba'i phyi mo'i ngo bo nyid la
135b₆ gnas mal med do/ / chags med byang chub sems dpas gsol pa/ tshor ba yang de dang mtshungs te/ gnas mal ma mchis so// sangs rgyas kyis gsungs pa de yin no// tshor ba la gnas mal med pas na gtsang gdang ngo //
135b₇ gtsang gdang bal tshor ba yang med do// ci yang gnas med pas na gtsang gdang ste/ gtsang gdang bal la dog med do// chags med byang chub sems dpas gsol pa/ sems dang mig dang rnam par shes pa yang de dang mtshungs
135b₈ bsam gyis mi khyab po/ / sangs rgyas kyis gsungs pa/ sems dang / mig dang / rnam par shes pa yang de dang mtshungs te/ bsam gyis mi khyab po// ji lta zhes bya na/ kha dog la gnas mal med pas gtsang gdang ste/

_{iiif viewer powered by OpenSeadragon}

135a - 136a

Texts on this page