| e-texts navigator |
| བོད་ཡིག |
131a1 blang ba dang / gtang ba ci mchis/ chos kyi mtshan ma gang lags/ sangs rgyas kyis gsungs pa/ skye ba med pa'i chos la thar pa yang med gtang ba yang med de sems med pa la gnas te/ chos med pa la/
131a2 gnas so// grol bar byang chub sems dpas sangs rgyas la gsol pa/ btsun pa ji lta bur na sems ma mchis pa la gnas/ chos ma mchis pa la gnas shes bgyi// sangs rgyas kyis gsungs pa/ sems
131a3 ma skyes na sems med pa la gnas pa yin no/ / po dge ba sems kyi chos ma skyes na gnas shing rten pa yang med do// spyod pa'o cog la ma chags na/ sems rtag par stong zhing mi g.yo ste/ tha dad pa'i sems med do//
131a4 dpenam mkha' dang mtshungs te/ g.yo ba dang 'dug pa med/ sdang ba med/ bya ba med/ phan tshun med de stong pa'i sems kyi mig thob/ stong pa'i chos kyi lus thob pas lnga phung dang zhugs pa drug kun stong zhing mi g.yo ba'o//
131a5 po dge ba stong pa'i chos spyod pa ni khams gsum la mi rten/ tshul khrims kyi mtshan ma la yang mi chags la/ gtsang dag la sems med pas bsdu ba yang med/ gtang ba yang med de/ ngo bo nyid rdo rje dang mtshungs pas
131a6 dkon mchog gsum mi zhig ste/ stong pa'i chos rnams mi g.yo bas pha rol tu phyin pa drug dang ldan no// grol thar byang chub sems dpas sangs rgyas la gsol pa/ btsun pa pha rol tu phyin pa drug ni kun kyang mtshan
131a7 ma ma mchis pa lags na/ mtshan ma ma mchis pa'i chos kyis 'jig rten las phyin par nus lags sam/ sangs rgyas kyis gsungs pa/ po dge ba ngas bshad pa'i pha rol tu phyin pa drug ni mtshan ma yang med/ bya ba
131a8 yang med do/ / de ci'i phyir zhe na/ 'dod dang bral bar 'jug pa mkhas pas/ sems rtag par gtsang dag ste/ bden pa'i tshig gis thabs spyad pas/ bdag la yang phan gzhan la yang phan te/ de ni sbyin pa'i pha rol tu phyin
iiif viewer powered by OpenSeadragon
Texts on this page
Q803 - rdo rje'i ting nge 'dzin gyi chos kyi rnam grangs yi ge