| e-texts navigator |
| བོད་ཡིག |
307b1 rang gi sems snang ba tsam du ma rtogs pa'i phyir 'gags ma thag tu rnam par shes pa gzhan 'byung ste/ dbyings kyi bye brag 'dzin pa'i yid kyi rnam par shes pa rnam par shes pa'i tshogs lnga dang ldan par 'byung zhing skad
307b2 cig gis dus su yang mi gnas pa de ni skad cig ma zhes bya'o/ / blo gros chen po de la skad cig ma zhes bya ba ni kun gzhi rnam par shes pa zhes bsgrags pa de bzhin gshegs pa'i snying po yid dang lhan cig skyes pa'i rnam par
307b3 shes pa'i bag chags kyis skad cig pa yin gyi/ zag pa med pa'i bag chags kyis skad cig pa ni ma yin no// byis pa so so'i skye bo rnams kyi rtogs par mi 'gyur te/ 'di ltar skad cig mar smra ba la mngon par zhen pa'i
307b4 phyir chos thams cad skad cig pa dang / skad cig pa ma yin pa 'di mi rtogs so// de chad par lta ba'i phyir 'dus ma byas pa'i chos rnams kyang 'jig par byed do// blo gros chen po rnam par shes pa bdun po rnams ni
307b5 'khor bar 'dug pa ma yin te/ sdug bsngal dang bde ba yang mi myong la/ mya ngan las 'da' ba'i rgyu yang ma yin no// blo gros chen po de bzhin gshegs pa'i snying po ni sdug bsngal dang bde ba yang myong ste rgyu dang lhan cig tu 'jug
307b6 cing ldog go gnas pa'i sa gzhi dang / ma rig pa'i gnas kyis rab tu myos pas byis pa so so'i skye bo dag skad cig mar lta ba mi rtogs shing / rnam par rtog pas sems yongs su bsgos par 'gyur te/ gzhan yang blo gros
307b7 chen po dper na gser dang / rdo rje dang / de bzhin gshegs pa'i ring bsrel dang / khyad par thob pa'i ngo bo nyid ni nam yang 'jig par mi 'gyur te/ blo gros chen po gal te mngon par rtogs pa thob pa skad cig pa yin na ni
307b8 'phags pa rnams 'phags pa ma yin par 'gyur ba zhig na/ / 'phags pa rnams na 'phags pa ma yin par mi 'gyur ro// dper na gser dang / rdo rje ni bskal pa skad du mi 'bri na/ ci'i phyir byis pa so sor skye bo nga'i ldem por
iiif viewer powered by OpenSeadragon
Texts on this page
Q776 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u