rKTs

e-texts navigator

Volume

Page

303a₁ byed do/ / mtshan nyid dang / mtshan nyid kyi gzhi dang / skye ba dang / 'jig pa dang bral ba/ rang gi sems kyi rnam par rtog pa las skyes pa/ dbang phyug dang / dus dang / rdul phra mo dang / gtso bo las byung ba ma yin
303a₂ par ma shes nas byis pa so so'i skye bo rnams ming dang / rgyu mtshan gyi rjes su 'brang ngo // de la blo gros chen po rgyu mtshan de yang mig gi rnam par shes pas snang bar bya ba ni gzugs shes bya'o// de bzhin du rna ba dang / sna dang /
303a₃ lce dang / lus dang / yid kyi rnam par shes pas snang bar bya ba ni sgra dang / dri dang / ro dang / reg bya dang / chos shes bya ste/ 'di ni rgyu mtshan zhes bya'o// blo gros chen po rnam par rtog pa de ni gang gis ming mang por rtags nas
303a₄ mtshan ma rnams gsal bar byed pa ste/ 'di ni de bzhin gyi gzhan du ma yin no// zhes glang po che dang / rta dang / shing rta dang / gang thang dang / skyes pa dang / bud med la sogs pa'i ming gang yin pa de ni rnam par rtog pa zhes
303a₅ bya'o/ / blo gro chen po yang dag pa'i ye shes gang gis ming dang / rgyu mtshan de dag mi dmigs shing phan tshun 'gro ba'i 'dron po dang mtshungs te/ rnam par shes pa rnams mi skye bas rtag pa med pa/ chad pa med pas
303a₆ mu stegs can dang / nyan thos dang / rang sangs rgyas thams cad kyi sar mi lhung ba'o// gzhan yang blo gros chen po byang chub sems dpa' sems dpa' chen po rnams ni yang dag pa'i ye shes des ming dang / rgyu mtshan
303a₇ rnam par 'jog par mi byed la ming dang rgyu mtshan rnam par mi gzhog pa yang ma yin pas lta ba gnyis su sgro 'dogs pa dang / skur ba 'debs pa yongs su spong bar byed do// ming dang rgyu mtshan mi skye ba ni de bzhin nyid ces
303a₈ bya'o/ / blo gros chen po byang chub sems dpa' sems dpa' chen po de bzhin nyid la gnas pa ni sdang ba med pa'i spyod yul thob pa'i phyir byang chub sems dpa'i sa rab tu dga' ba 'thob ste/ byang chub sems dpa'i sa rab tu

_{iiif viewer powered by OpenSeadragon}

302b - 303b

Texts on this page