rKTs

e-texts navigator

Volume

Page

302b₁ 'jug pa'i mtshan nyid ni 'di lta ste/ ming dang / rgyu mtshan dang / rnam par rtog pa dang / yang dag pa'i ye shes dang / de bzhin nyid de/ rnal 'byor pa rnams kyis bsgoms na de bzhin gshegs pa'i rang gis rig pa 'phags
302b₂ pa'i tshul la rab tu 'jug cing rtog pa dang / chad pa dang / yod pa dang / med pa la sogs pa'i lta ba spangs nas mthong ba'i chos la bde ba'i snyoms par 'jug pa la gnas pa mngon sum du 'gyur ro// blo gros chen po chos lnga
302b₃ dang / rang bzhin dang / rnam par shes pa dang / bdag med pa gnyis dang / rang gi sems snang ba dang / phyi rol gyi dngos po de dag khong du ma chud pa'i phyir so so'i skye bo rnam par rtog par byed kyi 'phags pa rnams ni ma yin no// /
302b₄ blo gros chen pos bcom ldan 'das la gsol pa/ bcom ldan 'das ji ltar na byis pa so so'i skye bo rnams rnam par rtog pa skye la 'phags pa rnams kyi ma lags/ bcom ldan 'das kyis bka' stsal pa/ blo gros chen po
302b₅ byis pa so so'i skye bo rnams kun rdzob kyi brda'i ming dang / rgyu mtshan la mngon par zhen pas sems kyi rjes su 'brang ngo // rjes su 'brangs nas mtshan ma'i kha dog sna tshogs 'dod pas bdag gir lta bar ltung ba'i bsam pa can
302b₆ rnams gzugs bzang po la mngon par zhen par byed de/ / mngon par zhen nas mi shes pas bsgribs pa'i phyir mngon par chags pa skyed do// mngon par chags par gyur nas ni 'dod chags dang / zhe sdang dang / gti mug las
302b₇ byung ba'i las sogs so/ / mngon par sngags nas ni rnam par rtog pas rang la 'ching bar byed de/ ji ltar dar gyi srin bu ston pa byed pa bzhin du 'khor ba'i rgya mtshor 'gro ba rnams kyis skon par lhung ba ni ze chun gyi 'khrul
302b₈ 'khor bzhin te/ 'di ltar gti mug pa'i phyir sgyu ma dang / smig rgyu dang / chu'i zla ba dang / mtshungs pa rang bzhin gyis bdag dang / bdag gi dang bral bar ma shes nas yang dag pa ma yin pa'i rnam par rtog pa thams cad byed par

_{iiif viewer powered by OpenSeadragon}

302a - 303a

Texts on this page