| e-texts navigator |
| བོད་ཡིག |
300b1 kyis blo gros chen po la 'di skad ces bka' stsal to/ / de bzhin gshegs pa'i snying po dge ba dang mi dge ba'i rgyur gyur pa ni 'gro ba'i skye ba thams cad du khyab par byed pas gar mkhan bzhin du 'gro ba rnams rnam par
300b2 'gyur ba ston par byed pa/ bdag dang bdag gi spangs pa de khong du ma chud pa'i phyir gsum 'dus pa'i rkyen gyi sbyor ba las skye ba dang / mu stegs can rnams kyis khong du ma chud pas byed pa por mngon par zhen to// /
300b3 thog ma med pa'i dus nas rnam par spros pa'i gnas ngan len gyi bag chags kyis yongs su sgos pa ni kun gzhi/ rnam par shes pa zhes bya ste/ ma rig pa gnas pa'i sa rnam par shes pa bdun dang lhan cig bskyed pa
300b4 rgya mtsho'i rlabs bzhin du lus rtag tu skyed cing rgyun mi 'chad pa/ rtag pa dang mi rtag pa'i nyes pa dang bral ba/ bdag tu smra ba yongs su spangs pa/ rang bzhin gyis dri ma med pa/ mthar yongs su dag pa'o// de ma yin
300b5 pa'i rnam par shes pa rnams ni skye ba dang / 'jig pa yod pa ste/ yid dang / yid kyi rnam par shes pa la sogs pa'i skad cig bdun dang bcas pa yang dag pa ma yin pa yongs su rtog pa'i rgyus yul rnams kyis byabs
300b6 dang gnas sna tshogs len pa/ ming dang rgyu mtshan la mngon par zhen pa rang gi sems snang ba'i gzugs kyi mtshan nyid khong du ma chud pa/ sdug bsngal dang bde ba ma rtogs pas rnam par grol ba'i gnas su phyin par mi
300b7 'gyur ba/ ming dang / rgyu mtshan gyi kun nas dkris pa'i 'dod chags skye la 'dod chags skyes nas rgyu dang dmigs par byed de// tshor ba'i dbang po de dag 'gags na rim gyi mi skye'o zhes gzhan du rang gi sems
300b8 kyi rnam par rtog pas sdug bsngal dang / bde ba ma shes pas tshor ba dang / 'du shes 'gog pa'i snyoms par 'jug pa la snyoms par zhugs nas bsam gtan bzhi pa thob pa/ yang dag pa'i bden pa dang / rnam par
iiif viewer powered by OpenSeadragon
Texts on this page
Q776 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u