rKTs

e-texts navigator

Volume

Page

298a₁ mkhas pas rang dang spyi'i mtshan nyid du lgang ba/ bag chags kyis bsgribs pa/ gang zag dang chos bdag med par ltung ba chos su 'dzin par blta ba/ rnam par rtog pas mya ngan las 'das par rab tu shes
298a₂ par gyur te/ rab tu dben pa la mos pa'i blo ni ma yin no// blo gros chen po byang chub sems dpa' ni sgo'i bde ba mthong yang sngon gyi smon lam dang / snying brtse ba dang snying rje chen po dang ldan zhing mthar thug pa'i gnas bcu rnam par
298a₃ dbye ba shes pas rnam par rtog pas mya ngan las 'das par 'du shes par mi 'gyur to/ de ltar mya ngan las 'das pa'i rnam par rtog pa mi skye ba'i phyir/ gzung ba dang / 'dzin pa'i rnam par rtog pa yongs su spong zhing chos thams
298a₄ cad rang gi sems snang ba tsam du khong du chud pas rnam par rtog pa mi skye ste/ sems dang / yid dang / yid kyi rnam par shes pa dang / phyi rol gyi dngos po'i rang gi ngo bo'i mtshan nyid la mngon par zhen pa'i rnam par rtog par yang
298a₅ mi lhung la/ sangs rgyas kyi chos kyi rgyu mi skyed pa yang ma yin te/ ye shes kyi rjes su skye bas de bzhin gshegs pa'i rang gis rig pa'i sa 'thob par 'gyur te/ ji ltar skyes bu'i rmi lam na chu bo rgal bar rtsom pa pha rol tu
298a₆ mkhyen par sa de la/ sad nas 'di snyam du ci 'di yang dag pa 'am/ 'on te yang dag pa ma yin pa zhes rtog par byed pa de ni yang dag pa yang ma yin/ log pa yang ma yin gyi/ gzhan du na thog ma med pa'o// mthong
298a₇ ba dang / thos pa dang / bye brag byed pa dang / rnam par rig pa rgyu'i 'du shes sna tshogs kyi bag chags dang / dbyibs dang / gnas sna tshogs dang / yod pa dang med pa'i mtshan nyid du lgang ba dang / sems dang / yid dang yid kyi rnam
298a₈ par shes pa'i rmil ma las snang ngo / / blo gros chen po de bzhin du/ byang chub sems dpa' sems dpa' chen po rnams kyang byang chub sems dpa'i sa brgyad pa la rnam par rtog pa'i mtshan nyid skye bar mthong dang/ sa

_{iiif viewer powered by OpenSeadragon}

297b - 298b

Texts on this page