rKTs

e-texts navigator

Volume

Page

296a₁ po ma nges pa'i phyir srid pa gsum sems tsam du bstan gyi/ mtshan nyid sna tshogs dang / skye ba dang / 'jig pa yod par ni ma bstan to// 'byung ba chen po 'dus pa'i bye brag dang / 'byung ba dang / 'byung ba
296a₂ las gyur pa'i phyir rnam pa gnyis kyi dngos po gzung ba dang / 'dzin par rnam par rtog par gyur pa dang / rnam par rtog pa gnyis yongs su shes pa dang / phyi rol gyi dngos po dang dngos po med par lta ba gnyis dang bral
296a₃ ba dang / / rang gi sems snang ba tsam du long du chud cing rnam par rtog pa'i bsam pa'i mngon par 'du byed pa las skye'i/ mngon par 'dus ma byas pa ni ma yin no// zhes sems dngos po dang dngos po med pa'i rnam par rtog pa
296a₄ dang bral bas na 'jig rten pa dang / 'jig rten las 'das pa dang / 'jig rten las 'das pa mchog gi chos thams cad ni rtag pa yang ma yin mi rtag pa nyid kyang ma yin no// rang gi sems snang po tsam du khong du
296a₅ ma chud pas mtha' gnyis kyi lta ba ngan pa'i rgyun du lhung bar 'gyur te/ mu stegs can thams cad kyis rang gi rnam par rtog pa'i khong du mi chud do// so so'i skye bo de dag la gzhi ci yang med pas 'di ltar 'jig
296a₆ dang / 'jig rten las 'das pa dang / 'jig rten las 'das pa mchog gi chos tshig gi rnam par rtog pa las skye bar byis pa so so'i phyi rnams kyis khong du chud pa ma yin no// de nas bcom ldan 'das kyis
296a₇ de nyid yang bstan pa'i phyir tshigs su bcad pa 'di dag gsungs so/ / dang po brtsams nas rab spangs shing // dbyibs dang rnam pa gzhan 'gyur dang / dngos po gzugs ni mi rtag pa// mu stegs blun pos rtog par byed//
296a₈ dngas pa rnams pa 'jig pa med// 'byung ba 'byung ba'i rang bzhin gnas// mu stegs mi rtag 'du shes pa/ lta ba sna chags bying bar 'gyur/ mu stegs can ni de dag la/ skye dang 'jig pa gang yang med// 'byung ba

_{iiif viewer powered by OpenSeadragon}

295b - 296b

Texts on this page