| e-texts navigator |
| བོད་ཡིག |
294a1 nyon mongs dbang po tha dad pas/ / chos ni sna tshogs yod ma yin// theg gcig 'ba' shig chos ston pa// de ni theg pa chen po yin/ de nas byang chub sems dpa' blo gros chen pos bcom ldan 'das la
294a2 'di skad ces gsol to/ / bcom ldan 'das mu stegs can thams cad kyang mi rtag pa nyid do// zhes rnam par rtog par bgyid/ bcom ldan 'das kyis kyang 'du byed thams cad mi brtag pas skye zhing 'jig pa'i chos can
294a3 no zhes bka' stsal nas/ / 'di'i don ji lta bu log pa 'am/ yang dag pa zhig lags/ mi rtag pa nyid la ni rnam pa du mchis/ bcom ldan 'das kyis bka' stsal pa/ blo gros chen po mu stegs can rnams la ni mi rtag
294a4 pa rnam pa bdun yod kyi/ nga'i bstan pa la ni pa yin no// rnam pa bdun gang zhe na/ de dag kha cig 'di skad du mngon par 'dus byas nas/ yongs su spangs pa ni mi rtag pa nyid do// zhes zer ro// kha cig ni dbyibs rnam par
294a5 'jig pa ni mi rtag pa nyid do/ zhes zer ro// kha cig ni gzugs nyid mi rtag pa nyid do zhes zer ro// kha cig ni gzugs rnam par 'gyur ba'i gnas skabs ni mi rtag pa nyid do ces bya ste/ bar chad med par rang gi rang gis
294a6 'bral zhing 'jig pas ji ltar 'o ma las zhor 'gyur ba la sogs pa'i bye brag tha dad pa mthong bar mi nus pa de bzhin du dngos po thams cad la yang rnam par 'jig pa'i mi rtag pa nyid 'jug go zhes zer ro/ / kha cig
294a7 dngos po mi rtag pa nyid do zhes zer ro/ / kha cig ni dngos po'i dngos po med pa mi rtag pa nyid de zhes zer ro// kha cig ni chos thams cad mi skye bas mi rtag pa nyid de/ chos thams cad kyi nang du 'jug pa'o// zhes zer ro// de
294a8 blogros chen po dngos po med pa mi rtag pa nyid ces bya ba ni 'di lta ste/ 'byung ba chen po bzhi dang / 'byung ba las gyur pa'i rang gi mtshan nyid 'jig cing 'byung ba chen po bzhi'i rang bzhin ni mi dmigs pa dang mi skye
iiif viewer powered by OpenSeadragon
Texts on this page
Q776 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u