rKTs

e-texts navigator

Volume

Page

225b₁ sems dpa' sems dpa' chen po rnams ni 'gog pa'i sgo'i bde ba dang / mnyam par gzhag pa'i bde ba la gnas par mi byed de/ sems can la snying brtse bar blta ba dang / sngon gyi smon lam gyis mngon du mi byed do/ kho bos
225b₂ chen po 'dri ni nyan thos kyi 'phags pa so so rang gis rig pa'i khang par gyis mtshan nyid kyi bde ba thob pa zhes bya ste/ byang chub sems dpa' sems dpa' chen pos// de dag gis thob pa'i 'phags pa so so rang gis rig pa'i
225b₃ khyad par gyi mtshan nyid kyi bde ba la bslab par mi bya'o/ / blo gros chen po dngos por rnam par rtog pa'i rang bzhin la mngon par zhen pa'i mtshan nyid kyi nyan thos gang zhe na/ 'di lta ste/ 'byung ba chen po dang / sngon po dang / ser po
225b₄ dang / dmar po dang / dkar po dang / sra ba dang / gsher ba dang / dro ba dang / g.yo ba rnams byed pa med par skye ba dang / rang dang skye'i mtshan nyid sngon gyi rgyal ba rnams kyis legs par gsungs pa mthong nas de dag la rang bzhin gyi
225b₅ rnam par rtog pa 'byung ste/ byang chub sems dpa' sems dpa' chen pos de dag khong du chud par byas nas yongs su snang bar bya'o// chos la bdag med pa'i mtshan nyid kyi rjes su zhugs pas gang zag la bdag med pa'i
225b₆ mtshan nyid du lta ba bzlog nas sa rnams rim gyis mtshams spor ba rnam par gzhag pa la gnas/ blo gros chen po 'di ni nyan thos rnams kyis dngos por rnam par rtog pa'i rang bzhin la mngon par zhen pa'i mtshan nyid
225b₇ ces bya'o/ / de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to bcom ldan 'das kyis rtag pa dang bsam gyis mi khyab pag so so rang gis rig pa
225b₈ 'phags pa'i spyod yul dang / don dam pa'i spyod yul bka' stsal pa/ de bcom ldan 'das mu stegs can gyis smra ba'i rtag pa dang / bsam gyis mi khyab pa'i rgyu dang rkyen zhig ma lags sam/ bcom ldan 'das

_{iiif viewer powered by OpenSeadragon}

225a - 226a

Texts on this page