| e-texts navigator |
| བོད་ཡིག |
219b1 dge ba'i rtsa ba yongs su bsags pa dang / rang gi sems snang ba la rnam par rtog pa'i spros pa dang bral ba ri dang nag pa tshal stug po dang / shing khrod na gnas shing rnal 'byor tha ma dang / 'bring dang / rab tu
219b2 bsgoms pa rnams kyis rang gi sems kyi rnam par rtog pa'i rgyud mthong ba dang / zhing tshad med pa'i sangs rgyas rnams kyis dbang bskur ba dang / dbang dang / stobs dang / mngon par shes pa dang / ting nge 'dzin
219b3 dag dge ba'i bshes gnyen sangs rgyas kyi sras kyi 'khor rnams kyang 'thob par 'gyur te/ des sems dang / yid dang / rnam par shes pa dang / rang gi sems snang ba'i rang bzhin gyi spyod yul spros pa'i mtshan nyid dag
219b4 cing 'khor ba srid pa'i rgya mtsho dang / las dang / sred pa dang / mi shes pa la sogs pa'i rgyu las rgyal bar nus so// de lta bas na blo gros chen po rnal 'byor pa rnams kyis dge ba'i bshes gnyen rgyal ba rnams la bsten
219b5 par bya'o/ / de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so// dper na rgya mtshe'i dpa' rlabs rnams// de dag rlung drag dbang gis byung // rlabs chen rgya mtsho rab
219b6 bskyod pas/ / rgyun ni rnam par chad pa med// kun gzhi rgya mtsho rtag gnas pa// yul gyi rlung gis rab bskyod nas// sna tshogs rnam shes dpa' rlabs rnams// gar cing rab tu 'jug par 'gyur// sngon po dmar po sna tshogs
219b7 gzugs/ / du dang 'o ma khar dang // bska ba me tog 'bras bu dang // nyi zla dang ni 'od zer dang // gcig pa ma yin tha dad min// rgya mtsho rlabs rnams rab tu bskyed// de bzhin rnam shes bdun po yang // sems dang lhan
219b8 cig rab tu skye/ / ji ltar rgya mtsho yongs gyur nas// dpa' rlabs sna tshogs 'jug pa ltar// rnam shes bdun po de bzhin te// sems dang lhan cig rab tu skye// kun gzhi rnam shes gnas las ni// rnam shes sna tshogs
iiif viewer powered by OpenSeadragon
Texts on this page
Q776 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u