rKTs

e-texts navigator

Volume

Page

217b₁ ba sprin dang 'gal me'i 'khor lo dang / dri za'i grong khyer dang mtshungs pa dang / ma skyes pa sgyu ma dang / smig rgyu dang / chu'i zla ba dang / rmi lam lta bu dang / nang dang / phyi rol du sems snang ba rnam par rtog pa dang / theg ma
217b₂ med pa'i dus kyi sa rnam par spros pa rang gi sems kyi rnam par rtog pa las log shig na med pa dang / rgyu dang rkyen 'gags shing zad par gyur na rnam par rtog pa dang bral bar mthong ba dang / rjod pa dang brjod par bya ba
217b₃ dang / brtag pa dang / brtag par bya ba dang bral ba/ longs spyod dang / lus su kun gzhi rnam par shes pa rnam par gzhag pa dang / rnam par shes pa'i yul gzung ba dang / 'dzin pa dang / mi mthun pa dang / snang ba med pa'i
217b₄ spyod yul skye ba dang / gnas pa dang / 'jig pa spangs pa/ rang gi sems las byung ba tsam du rjes su 'jug cing rnam par 'byed na/ blo gros chen po byang chub sems dpa' de dag ni ring myi thogs par 'khor ba dang / mya ngan
217b₅ las 'das pa mnyam pa nyid dang / snying rje chen po dang thabs la mkhas pa dang / rtsol ba med pa'i sbyor ba 'thob par 'gyur ro// blo gros chen po sems can gyi khams de dag thams cad sgyu ma dang mtshungs pa dang / rgyu dang rkyen
217b₆ la mi brtson pa dang / phyi nang gi yul las rnam par dben pa dang / sems las phyi rol du mthong bas rim gyis mtshan ma med pa'i gnas su 'jug pa dang / rim gyis sa nas sar ting nge 'dzin gyi spyod yul la 'jug pa
217b₇ dang / khams gsum sgyu ma lta bur shin du mas shing so sor rab tu rtog pas snga ma lta bu'i ting nge 'dzin rab tu 'thob par 'gyur ro// rang gi sems snang ba las 'das shing snang ba med pa la 'jug pas shes rab kyi pha
217b₈ rol tu phyin pa la gnas pa rjes su thob par byed pa dang / de dag gi sbyor ba skyed pa rab tu spangs pas rdo rje lta bu'i ting nge 'di na thob nas de bzhin gshegs pa'i sa la 'jug par 'gyur ro// de bzhin nyid kyi rjes su

_{iiif viewer powered by OpenSeadragon}

217a - 218a

Texts on this page