| e-texts navigator |
| བོད་ཡིག |
177a1 zad pa dang / gti mug zad pa dang / nga rgyal zad pa dang / bdag tu mngon par zhen pa spangs pa dang / bdag tu smra ba'i len pa spangs pa de ni sdug bsngal 'gog pa 'phags pa'i bden pa
177a2 zhes bya'o/ / gang sdug bsngal yang sdug bsngal ba dang / kun 'byung ba la yang kun 'byung ba dang / 'gog pa la yang 'gog pa dang / lam la yang lam du yid la byed pa dang / 'du byed rnams la
177a3 nyes dmigs su lta zhing gnas pa dang / mya ngan las 'das pa la phan yon tu lta zhing gnas pa dang / ji ltar mthong ba dang / byas pa la so sor rtog pa yang dag pa'i lta ba dang / yang dag pa'i rtog pa dang /
177a4 yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin de ni sdug bsngal 'gog par
177a5 'gro ba'i lam 'phags pa'i bden pa zhes bya ste/ 'di dag ni 'phags pa'i bden pa bzhi zhes bya'o// de 'phags pa'i bden pa bzhi po de dag la dpyod cing rtog la/ khong du chud par byed cing rnam par
177a6 'jig la/ 'dus byas kyi khams la mi rtag pa dang / sdug bsngal ba dang / stong pa dang / bdag med par mthong ngo // 'dus ma byas kyi khams la ni/ skyabs dang / gnas dang mgon dang dpung
177a7 gnyen du yang mthong la/ 'dus ma byas kyi khams mngon gsum du yang mi byed do// de ltar 'phags pa'i bden pa bzhi po dag rab tu shes so// dengos de dag nyan cing 'dzin pa dang / mang du byed
177a8 rtog pa na/ rten cing 'brel bar 'byung ba rab tu shes te/ 'di lta ste ma rig pa'i rkyen gyis 'du byed rnams dang / 'du byed kyi rkyen gyis rnam par shes pa dang / rnam par shes pa'i rkyen gyis mang dang
iiif viewer powered by OpenSeadragon
Texts on this page
Q760,26 - 'phags pa lag bzangs kyis zhus pa zhes bya ba theg pa chen po'i mdo