rKTs

e-texts navigator

Volume

Page

172a₁ rlung gi khams la mi gnas/ nam mkha' khams la mi gnas/ rnam par shes pa'i khams la mi gnas/ 'jig rten 'di la mi gnas/ 'jig rten pa rol la mi gnas
172a₂ par bsam gtan byed do/ / ting nge 'dzin dang snyoms par 'jug pa bla na med pa thams cad thob par bya ba'i phyir bsam gtan la gnas shing / bsam gtan la dga'o// de bsam gtan de dang
172a₃ ting nge 'dzin de la bsam gtan byed par 'dod pa dang / snyoms par 'jug par 'dod pa na yang / sems can thams cad bsgral ba dang / sems can thams cad dgrol ba dang / sems can thams cad
172a₄ dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir/ yongs su sngo bar byed do// bsam gtan byed pa dang /
172a₅ bsam gtan byas pa dang / langs nas kyang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa
172a₆ nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do// gal te bsam gtan de dang / ting nge 'dzin de la slob pa'i nus pa dang // mi ldan par gyur na
172a₇ de 'di ltar yang dag par slob ste/ / dus dus su 'am/ chung zad chung zad du yang sems rnam par g.yeng ba dang / ting nge 'dzin ma yin pa spang ba dang / dor ba dang bstsal par rtsol lo// 'bad do// dus
172a₈ dus su'am/ chung zad cung zad du yang sems rtse gcig tu bya ba dang / sems mnyam par bzhag par slob pa dang / mngon par 'phel bar bya ba dang / yongs su rdzogs par bya bar rtsol lo// 'bad do//

_{iiif viewer powered by OpenSeadragon}

171b - 172b

Texts on this page