rKTs

e-texts navigator

Volume

Page

163a₁ 6de ni ngo bo nyid/ den chos nyid/ de ni rang bzhin yin na/ srog gi dbang po zad pa'i chos can/ 'god pa'i chos can/ 'gog pa'i chos can/ zad cing dngas la/ 'gog pa dang / dbang po drug po sdug bsngal gyi
163a₂ chos can/ sdug bsngal 'dus te reg pa'i chos can/ sdug bsngal myong ba'i chos can rnams la sdug bsngal 'dus te reg pas ji ltar gzhan dag la sngar gnod pa 'am/ sngar khro ba 'am/ slar gnyer zhing khon du
163a₃ gzung bar bya/ de ci'i phyir zhe na/ 'di ni ngo bo nyid/ 'di ni chos nyid/ 'di ni rang bzhin no snyam mo// lag bzangs gzhan yang byang chub sems dpa' 'di ltar yang dag par slob ste/ bdag gi mig dang /
163a₄ na ba dang / sna dang / lce dang lus dang / yid kyang bdag med cing / bdag gi med pa yin la/ gzhan dag gi mig dang / rna ba dang sna dang lce dang / lus dang yid kyang bdag med cing / bdag gi med pa yin na/
163a₅ mkhas pa rig pa dag mig dang / rna ba dang sna dang lce dang / lus dang yid bdag med cing / bdag gi med pa la mig dang / rna ba dang / sna dang lce dang lus dang / yid bdag med cing / bdag gi med pas/ ji ltar
163a₆ dga' ba 'am/ rjes su chags pa 'am/ yang dag par dga' bar 'gyur ba 'am/ rdeg pa'am/ slar gnod par byed pa 'am/ slar khro ba'am/ shar gnyer zhing khon du 'dzin par 'gyur snyam mo//
163a₇ lag bzangs gzhan yang byang chub sems dpa' 'di ltar yang dag par slob ste/ 'di lta ste mir skyes pa'i sdug bsngal ni nyung zhing chung gi/ yi dgas kyi sdug bsngal ni ches mi bzad la/ ches bzod par dka' ba yin/ dud
163a₈ 'gro'i skye gnas kyi sdug bsngal dang / sems can dmyal ba'i sdug bsngal yang chos mi bzad cing / bzod par dka' ba yin/ bdag gis ji ltar sdug bsngal chung zhing nyung ba tsam gyi phyir/ gzhan dag

_{iiif viewer powered by OpenSeadragon}

162b - 163b

Texts on this page