rKTs

e-texts navigator

Volume

Page

338a₁ sems dpa' gang gis gter 'di thob par gyur na bskal pa'am/ bskal pa las lhag par sems can rnams kyi mos pa sna tshogs ji lta ba bzhin du lus tshad med pa bstan nas tshig rnam pa sna tshogs kyis chos ston par
338a₂ byed kyang chos kyi dbyings la gnyis su gyur pa'i mtshan nyid med do/ / gzhan yang glog thob 'di lta ste dper na gser yang dag pa ni mgar ba'i thabs mkhas pa'i mthu'i dbang gis mos pa ji lta ba bzhin du rgyan rnam pa sna tshogs su byas te mtshan nyid zad
338a₃ par gyur kyang gser gyi rang bzhin la ni tha dad du gyur pa ci yang med do/ / byang chub sems dpa' yang de bzhin du chos kyi dbyings shin tu legs par brtags nas sems can mos pa sna tshogs pa ji lta ba bzhin du lus tshad med pa dag bstan nas tshig
338a₄ rnam pa sna tshogs kyis chos ston par byed kyang chos kyi dbyings la ni gnyis su gyur pa'i mtshan nyid med de/ / 'di ni rtag par chos kyi dbyings la zhugs pas mtshan nyid gcig tu gyur pa zhes bya'o// byang chub sems dpa' gang gis gter 'di lta bu thob
338a₅ par gyur na sems can gyi ched du rnam pa sna tshogs kyi sgo nas chos ston par byed pas de dag gis chos thos pa'i dbang gis 'phags pa'i nor phun sum tshogs pa'i dbang phyug dang ldan par gyur pas 'khor ba'i rgud bdag gtan du yongs su spong bar byed do/ /
338a₆ gzhan yang glog thob byang chub sems dpa' sems dpa' chen po rnams kyi zhe sdang spyod pa'i gter zhes bya ba ji lta bu zhe na/ 'di lta ste/ sems can rnams ni rgyal dang mtshungs par ldan pa/ bdag dang bdag gir 'dzin pa dang bcas pa/ bdag dang bdag
338a₇ gi ma na ma la gnas pas yun ring po nas byams pa dang / bzod pa ma bsgoms pa zhe sdang gi gdud pas rang gi sems bshig par gyur pa/ sangs rgyas dang / chos dang / dge 'dun rjes su dran par mthur ba/ zhe sdang gi gdug pas g.yogs pas
338a₈ chos nyid la rmongs par gyur pa yin yang byang chub sems dpa' ni zhe sdang mang ba'i sems can de dag la nam yang gnod sems dang rnam par 'tshe ba skyed par mi byed kyi/ 'di snyam du kye ma sems can 'di dag ni gti mug gis spangs pas chos rnams gzod

_{iiif viewer powered by OpenSeadragon}

337b - 338b

Texts on this page