rKTs

e-texts navigator

Volume

Page

291a₁ skye ba skye bar yang dang yang // lha dang lha mo ji bzhin du// rang gi khyo ni spangs mi bya// brdzun du smras pas slar yang thig nag tu skye bar 'gyur ro// der yang dmyal ba'i bsrungs ma rnams kyis sgra chen po'i tshig sgrogs
291a₂ shing / mtshon cha' bar ba sna tshogs pa blangs nas lcags bsregs kyi sa gzhi la dmyal ba'i sems can gcig gis gcig 'grung pa dang / 'bar ba'i thig nag pos 'debs pa dang / 'bar ba'i mtshon cha bzung nas yang
291a₃ dag par bsgyur ba dang / zhib mas 'tshag pa bzhin du ste'u dang dgra stas 'jog pa dang / de rnams kyis sgra chen po sgrogs te ru zhing gnas so// rang gi khrag 'thung zhing nang du der gnas pa de thig nag ste brdzun du smras pas skye'o//
291a₄ der sdug bsngal drag po dang / rtsub pa dang / tsha ba'i tshor ba myong bar 'gyur ro// dge slong dag rdzun du smra ba ni sbrul dug can dang 'dra bar yid la bya'o// des sdug bsngal mang po byed do// dmyal bar 'jug pa dang / yi dgas kyi yul
291a₅ du 'jug pa dang / dud 'gro'i skye gnas su skye bar 'gyur ro// gang zhig brdzun du smra ba ni rnam par smin pa chen po'o// de mir skyes kyang snying rje med pa dang / skad bya rog gi dang 'dra ba dang / lce mi bde ba dang / so la srin
291a₆ 'byung ba dang / kha dri mi zhim pa dang / so mi snyoms pa dang / tshig rtsub pa dang / gro ba 'dzer ba dang / mchu mi bde ba dang / phrag dog dang bcas pa dang / rtag tu sred pa dang ldan pa dang / de lus zhig nas shi ba'i pha rol tu
291a₇ skye bar 'gyur ro/ / de'i phyir bcom ldan 'das kyis bka' stsal pa/ kha nas rnag gi dri ldan zhing // dpag tshad gcig du dri ngan 'gro// chos ni shes par mi 'gyur ba// rdzun du sma ba'i nyes pa'o// brdzun du smra ba'i rnam
291a₈ par smin pa'o/ / brdzun du swa/ ba spangs pa yis// skyes pa'am ni bud med ni/ thob par 'gyur te phan yon ni// sum bcu rtsa gsum mi nyung ba'i// mig dang rna ba sna dang ni/ lce dang lus dang de bzhin yid// de la rnam par dag

_{iiif viewer powered by OpenSeadragon}

290b - 291b

Texts on this page