| e-texts navigator |
| བོད་ཡིག |
22a1 de la bdag gir mi byed dngos po pangs med na// de las dge ba'i rtsa ba mthu chen 'phel 'gyur te// sprin med 'od ldan zla dkyil yar gyi ngo bzhin no// byang chub sems dpa'i sbyin pas yid btags 'gro ba gcod// /
22a2 'bul ba dang ni de bzhin nyon mongs thams cad gcod// spyod tshe longs spyod mtha' yas rgyas pa thob par 'gyur// sbyin pas sdug bsngal gyur pa'i sems can yongs smin byed/ khrims kyis dud 'gro'i 'gro ba du ma'i
22a3 ngo bo dang / mi khom brgyad spong de yis dal ba rtag tu rnyed // bzod pas gzugs bzang dam pa rgya chen thob 'gyur te// gser mdog sdug cing 'gro bas lta ba'i 'os su 'gyur// brtson 'grus kyis ni dkar po'i
22a4 yon tan 'grib mi 'gyur/ / ye shes mtha' yas rgyal ba'i bang mdzod rnyed par 'gyur// bsam gtan gyis ni 'dod pa'i yon tan smad pa 'dor// rig dang mngon par shes dang ting 'dzin mngon par sgrub// shes
22a5 rab kyis ni chos kyi rang bzhin yongs shes nas/ / khams gsum ma lus pa las yang dag 'da' bar 'gyur// mi'i khyu mchog 'khor lo rin chen bskor byas nas// sdug bsngal zad par bya phyir 'gro la
22a6 chos kyang ston/ / chos 'di yongs rdzogs byas nas byang chub sems dpa' de// yongs dag zhing dang sems can dag pa yongs su 'dzin// sangs rgyas rgud dang chos kyi rgyud kyang yongs su 'dzin// de bzhin dge
22a7 'dun rgud dang chos kun yongs su 'dzin/ / 'gro ba'i nad gso mdzad pa sman pa'i mchog gyur pas// shes rab bstan pa byang chub lam ldan 'di gsungs te// ming ni yon tan rin chen sdud pa byang chub lam// lam 'di sems
22a8 can kun gyis thob par bya phyir bshad/ / 'phags pa shes rab kyi pha rol tu phyin pa sdud pa tshigs su cad pa rdzogs s+ho// rgya gar gyi mkhan po bad+hi ka ra sid ha dang / zhu chen gyi lo tsa ba ban de dpal rtsegs kyis rgyur cing zhus te btan la phab pa'o//
iiif viewer powered by OpenSeadragon
Texts on this page
Q735 - 'phags pa shes rab kyi pha rol tu phyin pa sdud pa tshigs su bcad pa