| e-texts navigator |
| བོད་ཡིག |
20b1 sems can rnams la chos rab stong pa sgrogs par byed/ / 'di ni bzod ldan de la 'gro ba dag 'gyur mkhas// gal te sems can la las tsan dan pur ma blangs// rab gus byang chub sems
20b2 dpa' la ni nyug byed la/ / gzhan zhig me mdag mgo la 'thor byed gnyi ga la// de yis mnyam zhing snyoms pa'i yid ni bskyed par bya// byang chub sems dpa' mkhas pas de ltar bzod byas nas/
20b3 sems bskyed de ni byang chub mchog tu yongs bsngos na// dpa' bo 'jig rten kun la bzod pas dgra bcom dang // rang rgyal sems can khams mar ji snyed zil gyis gnon// bzod byed 'di snyam du
20b4 yang sems ni skyed bya ste/ / sems dmyal dud 'gro gshin rje'i 'jig rten sdug bsngal mar// 'dod pa'i yon tan rgyu yis dbang med gnod myong na// byang chub ched du ci phyir da bzod mi bya snyam//
20b5 lkug dbyig mtshon dang gsad dang bcings dang brdeg pa dang // mgo gcod pa dang rna ba rkang lag sna gcod dang // 'jig rten sdug bsngal ji snyed bdag gis bzod snyam pa// byang chub sems dpa' bzod pa'i
20b6 pha rol byin la gnas/ / tshul khrims kyis ni zhi ba 'dod rnams 'phags par gyur// stabs bcu'i spyod yul gnas shing tshul khrims nyams pa med// sdom pa'i bya ba ji snyed kun gyi rjes su 'jug/
20b7 sems can kun la phan phyir de yang byang chub bsngo// gal te dgra bcom rang rgyal byang chub reg 'dod na// tshul khrims 'chal cing mi mkhas de bzhin spyod pa nyams// ci ste byang chub zhi pa mchog tu
20b8 yongs bsngo na/ / 'dod yon brtson yang tshul khrims pha rol phyin la gnas// chos gang nges pa'i byang chub yon tan 'byung 'gyur ba// 'di ni yon tan chos ldan rnams kyi tshul khrims don//
iiif viewer powered by OpenSeadragon
Texts on this page
Q735 - 'phags pa shes rab kyi pha rol tu phyin pa sdud pa tshigs su bcad pa