| e-texts navigator |
| བོད་ཡིག |
188b1 de nas de nyid nyi ma gcig la mkhas pa blo gros bzang po de khang bzang mchog gi steng du gcig pur dkyil mo dkrung bcas nas dben par bzhugs te bsams pa/ mkhas pa skye ba gzhan du ma'i mngal bzung
188b2 nasdug bsngal lo/ / de bzhin du skye ba'i gnas su lus 'jig go// bdag skye ba'i chos can dang rga ba'i chos can dang na ba'i chos can dang 'chi ba'i chos can no// de lta bur gyur pas bdag ni skye ba med par
188b3 rgas pa med pa dang na ba med pa dang sdug bsngal med pa'i bde ba dang bsil ba dang bdud rtsi lta bu'i mya ngan las 'das pa chen po tshol bar rigs so/ / nges par srid pa las grol ba'i mya ngan las 'das par 'gro
188b4 ba'i lam gcig po yin pa lta bu'o/ / de'i phyir gsungs pa/ dben par gcig pur gnas nas ni// de tshe bdag gis 'di ltar bsams// srid par skye ba sdug bsngal zhing // lus ni yongs su zhig
188b5 pan/ / skye ba'i chos dang rgas pa'i chos// na ba'i chos dang de tshe bdag/ skye ba myed dang 'chi med bde// mya ngan 'das pa yongs su btsal// gang tshe 'dri ngan lus 'di ni// sna tshogs mi gtsang gis gang zhing //
188b6 don med ltos pa med pa yi// dor nas 'gro bar bya ba yin// de yi lam ni yod dam snyam// 'bad pa med par lam mi thob// de yi lam ni brtsal bar bya// srid pa rnams las grol gyur snyam// de nas
188b7 lhag par yang bsams pa/ / ji ltar 'jig rten pas sdug bsngal gyis mi mthun pa'i phyogs su gyur pa'i bde ba zhes bya ba yod do// de ltar mi mthun phyogs srid pa yod na mya ngan las 'da' bar 'gyur
188b8 swam/ de ltar yang gdung ba yod na de zhi bar byed pa'i bsil ba yod do// de bzhin du 'dod chags la sogs pa'i me zhi bar byed pa'i myang napas 'das pa yod par 'gyur ro snyam mo// ji ltar yang sdig pa
iiif viewer powered by OpenSeadragon
Texts on this page
Q748 - skyes pa rabs kyi gleng gzhi