| e-texts navigator |
| བོད་ཡིག |
142b1 brlab du gsol/ / bde bar gshegs pa byin gyis brlab du gsol/ tshig 'di smras thag tu de'i tshe skad cig de nyid la sangs rgyas kyi mthus sa chen po rnam pa drug tu g.yos par gyur to// sa chen po g.yos ma
142b2 thag tu de nas de'i tshe bcom ldan 'das kyis 'dzum pa mdzad do/ / bcom ldan 'das kyis 'dzum pa mdzad ma thag tu de nas de'i tshe shes rab kyi pha rol du phyin pa bstan pa 'di la de bzhin gshegs pa byin gyis rlob
142b3 pa na stong gsum gyi sto chen po'i 'jig te ni khams 'di snang ba chen pos khyab par gyur to/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das 'di ni de bzhin gshegs
142b4 pas shes rab kyi pha rol du phyin pa bstan pa 'di byin gyis brlabs pa'i snga ltas lags so/ / bcom ldan 'das kyis bka' stsal pa/ 'jam dpal de de bzhin no// 'jam dpal 'di dag ni shes rab kyi pha rol du phyin
142b5 pa bstan pa 'di byin gyi brlabs pa'i snga ltas rnams te/ ltas 'di dag gis shes rab kyi pha rol du phyin pa bstan pa 'di byin gyis brlabs par shes par bya'o// 'jam dpal gang dag chos gang yang mi spyong zhing mi zlog
142b6 la bsngags par yang mi byin pa de dang de dag ni phyag rgya 'dis btab par shes par bya'o/ / de ci'i phyir zhe na/ 'jam dpal dmigs pa yod na spong bar byed pa dang / bsngags par byed par 'gyur ba'i phyir ro// 'jam
142b7 dpal de lta bas na gang dag rgya 'dis btab pa de dag gi ched du ngas rgya 'di bzhag ste/ 'di ltar de dag gis thos nas kyang chos gang la yang ston pa 'am rnam par rtog pa med do// de ci'i phyir zhe na/ 'jam dpal chos thams
142b8 cad don dam par ma skyes pa'i phyir ro/ / bcom ldan 'das kyis de skad ces bka' stsal nas 'jam dpal gzhon nur gyur pa dang byang chub sems dpa' sems dpa' chen po de dag dang / nyan thos chen po de dag dang /
iiif viewer powered by OpenSeadragon
Texts on this page
Q737 - 'phags pa shes rab kyi pha rol tu phyin pa bdun brgya pa zhes bya ba theg pa chen po'i mdo