| e-texts navigator |
| བོད་ཡིག |
269a1 'grub par shog/ byang chub spyod pa dag ni bdag spyod cing // 'gro ba kun tu skye ba dran par gyur// tshe rab kun tu 'chi 'pho skye ba na// rtag tu bdag ni rab tu 'byung bar shog/ rgyal ba kun gyi rjes su sngom
269a2 gyur te/ / bzang po spyod pa yongs su rdzogs byed cing // tshul khrims spyod pa dri med yongs dag par// rtag tu ma nyams skyon med spyod par shog/ lha yi skad dang klu dang gnod sbyin skad// grul bum dag dang mi yi
269a3 skad rnams dang / / 'gro ba kun gyi sgra rnams ji tsam par// thams cad skad du bdag gis chos bstan to// des shing pha rol phyin la rab brtson te// byang chub sems ni nam yang rjed mi gyur// sdig pa
269a4 gang rnams sgrib par gyur pa dag/ de dag ma lus yongs su byang bar shog/ las dang nyon mongs bdud kyi las rnams las// grol zhing 'jig rten 'gro ba rnams su yang // ji ltar bad ma chus mi chags
269a5 pa bzhin/ / nyi zla nam mkha' thogs pa med ltar spyod// zhing gi khyon dang phyogs rnams ji tsam par// ngan song sdug bsngal rab tu zhi bar byed// bde ba dag la 'gro ba kun 'god cing // 'gro ba thams cad
269a6 la ni phan par spyad/ / byang chub spyod pa yongs su rdzogs byed cing // sems can rnams kyi spyod dang 'thun par 'jug/ bzang po spyod pa dag ni rab ston cing // ma 'ongs bskal pa kun tu spyod par gyur// bdag
269a7 gis spyod dang 'thun par gang spyod pa/ / de dag dang ni rtag du 'grogs par shog/ lus dang ngag rnams dang ni sems kyis kyang // spyod pa dag dang smon lam gcig tu spyad// bdag la phan par 'dod pa'i
269a8 grogs po dag/ bzang po spyod pa rab tu ston pa rnams// de dag dang yang rtag tu phrad par shog/ de dag bdag gis nam yang yid mi dbyung // sangs rgyas sras kyis bskor ba'i mgon po rnams//
iiif viewer powered by OpenSeadragon
Texts on this page
Q716 - 'phags pa bzang po spyod pa'i smon lam gyi rgyal po