| e-texts navigator |
| བོད་ཡིག |
268b1 che ba/ / de dag rgyal ba thams cad la yang mos// bzang po spyod la dang pa'i stobs dag gis// rgyal bkun la phyag 'tshal mchod par bgyi// 'dod chags zhe sdang gti mug dbang gis na// lus dang ngag
268b2 dang de bzhin yid kyis kyang / / sdig pa bdag gis bgyis po ci mchis pa// de dag thams cad bdag gis so sor bshags// phyogs bcu'i rgyal ba kun dang sangs rgyas sras// rang rgyal rnams dang
268b3 slob dang mi slob dang / / 'gro ba kun gyi bsod nams gang la yang // de dag kun gyi rjes su bdag yi rang // gang rnams phyogs bcu'i 'jig rten sgron ma dag/ byang chub rim par sangs rgyas ma chags
268b4 brnyes/ / mgon po de dag bdag gis thams cad la// 'khor lo bla na med pa bskor bar bskul// mya ngan 'das ston gang bzhed de dag la// 'gro ba kun la phan zhing bde ba'i phyir// bskal pa zhing gi rdul
268b5 snyed bzhugs par yang / / bdag gis thal mo rab sbyar gsol bar bgyi// phyag 'tshal ba dang mchod cing bshags pa dang / rjes su yi rang bskul zhing gsol ba yis// dge ba cung zad bdag gis ci
268b6 bsags pa/ / thams cad bdag gis byang chub phyir bsngo'o// 'das pa'i sangs rgyas rnams dang phyogs bcu yi// 'jig rten dag na gang bzhugs mchod par gyur// gang yang ma byon de dag rab myur bar//
268b7 bsam rdzogs byang chub rim par sangs rgyas spyon// phyogs bcu ga la'i zhing rnams ji snyed pa// de dag rgya cher yongs su dag par gyur// byang chub shing dbang drung gshegs rgyal ba dang // sangs
268b8 rgyas sras kyis rab tu gang bar shog/ phyogs bcu'i sems can gang rnams ji snyed pa// de dag rtag tu nad med bde bar gyur// 'gro ba kun gyi chos kyi sa don rnams ni// 'thun par gyur cing re ba'ang
iiif viewer powered by OpenSeadragon
Texts on this page
Q716 - 'phags pa bzang po spyod pa'i smon lam gyi rgyal po