| e-texts navigator |
| བོད་ཡིག |
169a1 te thal mo sbyar nas 'di skad ces/ bcom ldan 'das rdzu 'phrul gyi mtshan ma 'di lta bu 'di dag sus bkye lags zhes gsol nas tshigs su bcad de zhu ba zhus pa/ deng ni su zhig mngon par sangs rgyas na// 'di
169a2 ltar 'od zer chen po rab bkyibs/ phyogs bcu'i 'jig rten gser gyi mdog du myur/ stong chen 'jig rten khams kyang de bzhin lags// deng ni su zhig rang dbang thob gyur na// ya mtshan rdzu 'phrul chen po mthub kye nas// mtha'
169a3 med sangs rgyas zhing rnams rab g.yos shing / / lha klu gzhal med khang rnams mi bder gyur// su yi mthu lags rgyu rkyen ma rtogs pas// 'khor mang 'di dag the tsom 'tshal gyur na// bcom ldan 'das kyi thugs rje chen po
169a4 yis/ / rdzu 'phrul 'di yi rgyu rkyen bkas bshad gsol// bcom ldan 'das kyis byang chub sems dpa' kun 'dzin gyi rgyal po la bka' stsal pa/ rigs kyi bu khyed kyis 'di rig par bya ste/ deng 'khor gyi dkyil 'khor
169a5 'dus pa 'dir byang chub sems dpa' sems dpa' chen po spyan ras gzigs dbang phyug ces bya ba zhig yod pa de sngon bskal pa tshad med pa nas byams pa chen po dang snying rje chen po phun sum tshogs par gyur pa/ gzungs
169a6 kyi sgo tshad med pa snyed shin tu bsgoms shing mngon par bsrubs par gyur pas/ sems can rnams la phan pa dang bde bar 'dod pa'i phyir gsang ste 'di lta bu'i rdzu 'phrul gyi mthu chen po bstan pa yin no// bcom ldan 'das
169a7 kyis de skad ces bka' stsal pa dang / de nas byang chub sems dpa' spyan ras gzigs dbang phyug stan las langs te gos chags bcos nas/ bcom ldan 'das ga la ba der logs su thal mo sbyar te bcom ldan 'das la
169a8 'di skad ces gsol to/ / bcom ldan 'das bdag 'a thugs rje chen po'i sems shes bgyi ba'i gzungs sngags mchis te/ sems can mang po rnams la sman pa dang bde ba 'thob par bgyi ba dang / bro nad thams cad gsal bar
iiif viewer powered by OpenSeadragon
Texts on this page
Q522 - 'phags pa byang chub sems dpa' spyan ras gzigs dbang phyug phyag stong spyan stong dang ldan pa thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs