rKTs

e-texts navigator

Volume

Page

96b₁ dpa'i rdo rje des 'di skad ces gsungs so/ / 'dus pa chen po'i rnal 'byor pa// skyo ma'i cho ga 'di lta ste// thams cad gong ma bzhin sbyar nas// mtshan ma gsal po 'byung ba dang // phye mchu tshags nang nas dbyung // phye ma'i
96b₂ mchog tu gyur pa dang / / phye ma'i rgyal mo de dag ni// bse phor kha sbyar nang du blugs// rgyas btab byin brlabs dbang skur nas// bzlas brjod 'phro 'du rgyun mi chad// sbrang chang rgya chad bu ram chad// rgun chad 'o ma las
96b₃ sogs pa/ / bcud kyi khu ba thams cad sbyar// rin chen ga'u mtshan ldan du// blugs te kha sbyar rgyas btab nas// 'phro 'du bzlas brjod gong ma bzhin// byas te mtshan ma byung ba dang // dngos grub chen po blang bar bya//
96b₄ bye ma'i sgrub rdzas de dag ni// cha lnga dag tu bgos nas kyang // rnal 'byor so so'i cha rnams las// ci ran tsam gyi cha gcig dang // sbyar chad cha lngar bgos pa las// rnal 'byor so so'i cha rnams las// sbyar te dngos
96b₅ grub te na dra bya/ / zla ba gcig tu zos pas ni// ba spu rangs shing gnyer ma rangs// zla ba gnyis su zos byas na// gzi mdangs thams cad 'bar bar 'gyur// zla ba gsum gyi phan yon gyis// nad kyi skal ba dag las thar//
96b₆ zla bzhi phan chad gang zag gi/ zas dang ma 'dres brtson bsgrubs na// gzhan gyi nad rnams 'joms par nus// drug dang bdun dang brgyad rnams la// bdud rtsi bcud kyis 'tsho bar 'gyur// dag dang bcu la zag pa zad //
96b₇ bcu gcig rig 'dzin nam mkhar 'phur zhes gsungs so// bdud rtsi skyo ma'i bsgrub pa rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// rdo rje
96b₈ rig 'dzin rtsal lnga'i zas/ / 'de gu'i cho ga chen po ni// 'di ltar khong du chud par bya// sbrang rtsi bu ram rgun 'brum rnams// lo yi 'tshe bar sbyar nas kyang // kha dog mtshan ldan dmar po'i ba// lo yi mtsho bar gzung zhing

_{iiif viewer powered by OpenSeadragon}

96a - 97a

Texts on this page