rKTs

e-texts navigator

Volume

Page

6b₁ sgra gcig tu/ e ma'o rmad byung rol pa'i chos kyi don byung ngo zhes sgrogs/ 'khor 'bum phrag dang gdul bya sna tshogs spro ba'i ngo mtshar skyed/ rig pa'i rtsal sbyangs don gyi phye ba phyung // dam zhing ngo mtshar bar gyur te// thams
6b₂ cad nye bar gnas so/ / de nas yang bcom ldan 'das gsang ba mchog gi bdag po des 'khor rnam par sbyong ba'i rdo rje rgyan zhes bya ba'i ting nge 'dzin la snyoms par zhugs so// snyoms par zhugs nas rdo rje sngags kyi tshig
6b₃ 'di gsungs so/ / hUM hUM hU~M rdo rje 'dra bar bsdus pa yi// dam tshig chen po'i rig 'dzin rnams// bla 'og rim pa ji bzhin du// rdo rje gsang ba'i gral 'khod de// rigs ma yin pa rigs min 'gyur// bskal pa bzang po'i dam tshig
6b₄ 'di/ skal ba ngan la 'bab mi 'gyur// de las 'das na de brlag byed// hUM kro d+ha dz+wa la sa ma ya/ rak+Sha dz+wa la sa ma ya/ yak+Sha dz+wa la sa ma ya/ tsi ta ta dz+wa la sa ma ya zhes gsungs pa tsam gyis zhal ljags kyi dbang po 'od ma dpung
6b₅ chen po las khro bo 'od kyi phreng ba 'bar ba dang / srin mo 'od kyi phreng ba 'bar ba dang / gnod sbyin 'od kyi phreng ba 'khrug pa dang / za byed 'od kyi phreng ba 'bar ba brgyad mar byung bas ru tra can dang / bdud dang srin mo dang / gnod sbyin
6b₆ dang srin po dang / 'jug sred dang / sred med dang dbang phyug dang / stobs ldan dang spre'u dang / ra dang lu 'di dang / sbrang ma dang bya rog dang / me khyer dang 'khor ba dang / chu dang sa dang / nam mkha' dang me dang / sgra dang bsam ngan la sogs
6b₇ pa brlag ste/ mi gnas par gyur cing rmad du byung ba nyid du mdzad do// de nas 'od zer de dag mkha' la 'khyil ba dang / 'khor mang po dag shin du skrag ste gsol btab pa/ e ma'o// e ma bdag cag bcom ldan 'das kyis byin
6b₈ gyis brlab du gsol zhes gsol ba btab pa las/ bcom ldan 'das gsang ba mchog gi bdag po des zhal gyi mdangs phyung ste/ 'od zer de dag ye shes kyi 'od zhi zhing 'khyil ba dang / mdzes shing bde ba dang ldan pas thabs

_{iiif viewer powered by OpenSeadragon}

6a - 7a

Texts on this page