| e-texts navigator |
| བོད་ཡིག |
309a1 'phags pa thabs kyi zhags pa pad mo phreng las las kyi le'u ste bcu bdun pa'o// // rdo rje 'phra men sbyor ba yis// yud tsam gyis ni de bkug nas// rtod pa'i tshul du rab bstabs na// lha yang rung
309a2 ste brlag par 'gyur/ / 'ug pa'i mgo can la sogs pa// 'phra men ma rnams spad byas te// mig dang rna ba sna dang lce// de yi sems 'phrogs bsgom nyams 'gyur// 'phra men rnams ni rbad byas te// de yis
309a3 bsgrub pa'i bar bcod cing / / gsang ste 'khrug par bsgoms byas nas// sgrub pa nyams shing 'bye bar 'gyur// 'phags pa'i thabs kyi zhags pa pad mo phreng las drag po'i las kyi le'u ste bco brgyad pa'o//
309a4 hom khung zur gsum gdengs pa la// rdo rje mda' gzhu ldan byas ste// thod pa dag gis rnam par rgyan// spyan drangs bsregs na lha yang 'chi// 'phra men mdags te bkug nas ni// thab kun bsregs na mod
309a5 la 'chi/ / gsung dang bsres pa'i sha rnams kyis// lha rnams thams cad mchod par bya// rdo rje glu ni blangs nas su// 'byung po'i sha ni shin du zhim// 'byung po'i khrag ni shin du zhim// 'byung po'i rus pa zhim pa
309a6 ste/ / gsol te thams cad dgyes par mdzod// 'phags pa thabs kyi zhags pa pad mo phreng las drag po hom gyi le'u ste bcu dgu pa'o// // lcags sam nag po'i shing rnams la// mgo bo rgya mdud rtse zung
309a7 gsum/ / khro bo khro mo rnams bsgoms te// btab na lha yang brlag par 'gyur// 'phags pa thabs kyi zhags pa pad mo phreng las drag po'i phur pa'i le'u ste nyi shu pa'o// // lcags phye dug dang rdo phye
309a8 dang / / khrag las spras te bsres pa dang // mud ga'i chan dang sbyor ba dag/ sbyor bas gtor na de brlag 'gyur// 'phags pa thabs kyi zhags pa pad mo phreng las drag po'i gtor ma'i le'u ste nyi shu gcig pa'o//
iiif viewer powered by OpenSeadragon
Texts on this page
Q458 - 'phags pa thabs kyi zhags pa padmo'i phreng zhes bya ba