| e-texts navigator |
| བོད་ཡིག |
291b1 chags shing / / lus kyis bsgribs dang zas kyis bsgrib// yi dgas chen po'i gnas su skye// nga dang bdag med mi shes shing // chos rnams kun la chongs byas pas// shes rab mi gsal don med pas// dge sdig gnyis
291b2 kyi don ma rtogs/ / 'di ni byol song gnas su skye// shin tu nga rgyal cher skyed cing // thams cad bdag gir bzung bas na// kun dang rtsod pa'i las byed pa// lha ma yin gyi gnas su ste// theg mchog mtho dman thams cad dang //
291b3 'jig rten lta ba thams cad kun// ye shes chen pos rab brtags na// rang bzhin med la cir yang 'grub// rang bzhin dbyings las nyams pa med// shes rab chen po mig ldan pas// mtho dman gnas dang lam drug dang //
291b4 rang bzhin med la cir yang 'grub// so sor de bzhin 'khor bar gzigs// sngags mchog bla na med pas ni// mtshan ma kun dang mi brtag par// mtshan ma kun dang thams cad med// kun dang mnyam pa nyid yin pas//
291b5 'jig rten 'das dang 'jig rten pa'i// so sor lta ba brjod mi bya// spyi ni log rtog bsam yas pa// ye nas yod pa ma yin te// so so'i rnam rtog bag chags kyis// bzung 'dzin dra bas bsgribs 'gyur te// ci yang
291b6 med la cir yang snang / / snang ba nyid la rang bzhin med// de ltar rtogs na bder 'gro'i gnas// rdo rje can gyis de ltar rtogs// rnal 'byor chen po'i lta spyod ni// cir yang spyod kyang rang bzhin med// mkha' la bya chen lding
291b7 babazhin/ / chu la skyer chen 'phyo ba bzhin// mkha' la rlung chen 'gro ba bzhin// rnal 'byor lta ba de ltar lta// rnal 'byor spyod pa chen po ni// thams cad kun la dbyer med spyod// bde ba'i ro mchog myong bar 'gyur// de
291b8 la su zhig chags par byed/ / spyod bzhin ma chags ye shes yin// bde ba'i mchog nyid bsod nams tshogs// de lta bu'i ngang du spyod// 'di ni spyod pa brlabs chen yin// lha spyod ya mar ma 'gyur bar/
iiif viewer powered by OpenSeadragon
Texts on this page
Q457 - gsang ba'i snying po de kho na nyid nges pa