| e-texts navigator |
| བོད་ཡིག |
282b1 de ltar rtogs pa'i ye shes ni// kun la dbang bsgyur rang dbang can// thams cad tshig gi sgra ltar snang // 'di ni ye shes gsung mchog yin// bsam yas ye shes rdo rje gsung zhes bya ba'i dam tshig ni// chos rnams bsam
282b2 gyis mi khyab ste/ / mtha' dang dbus med kun du khyab// khyab dang khyab med rdo rje'i gsung // sgra skad sna tshogs bsgrags pa dang // dngos po med la dngos po'i sgra// ji ltar pi par lag thogs na// sgra ni sna tshogs 'thung 'gyur
282b3 yang / / dngos po med pa de bzhin nyid// phyogs dus dbyer med ces bya ba'i dam tshig ni// phyogs bcu ma lus thams cad dang // dus bzhir 'byung ba ma lus kun// phyogs dang snga phyi med pa yi// thams cad de bzhin nyid
282b4 kyi dbyings/ / 'jig rten 'das dang 'jig rten pa'i// so sor snang ba thams cad kun// rang rig rgyal por yang dag 'dra// rang rig de nyid thams cad yin// 'jigs med rdo rje zhes bya ba'i dam tshig ni// 'dus ma byas nyid
282b5 'dus byas yin/ / 'dus byas sdang dang mi snang gnyi ga min// yod dang med pa'ang dbyer med de// rang bzhin ye nas dag pa yin// ma bcos ma byas dang gis gsal// 'jig dang bzhig par bya ba min// cis kyang mi chug
282b6 rdo rje'i bdag ces gsungs so/ / de bzhin su nyid ces bya ba'i dam tshig ni// de bzhin zhing khams bsam yas dang // 'gro ba ma lus thams cad la// thar pa rnams la dag pa'i su// rtog pa can la 'khor ba'i lus/
282b7 so sor 'jab par dor ston cing // ston pa nyid la dngos po med// chu zla'i tshul dkun la snang // kun la de ltar rtog par byos// lhan grub pade gnas zhes bya ba'i dam tshig ni// chos rnams ma lus thams cad la
282b8 byang chub snying po yod pa ltar/ / rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gi dang du gnas pas na// bdag la bdag gis dbang bsgyur nas//
iiif viewer powered by OpenSeadragon
Texts on this page
Q457 - gsang ba'i snying po de kho na nyid nges pa