| e-texts navigator |
| བོད་ཡིག |
127a1 gi phyogs bcu thams cad du 'bar ba'i dkyil 'khor kun du gsal bar gyur to/ / gsang ba'i snying po de kho na nyid nges pa las khro bo'i dkyil 'khor bstan pa'i le'u ste bcu bdun pa'o// // de nas bcom ldan
127a2 'das dgyes pa chen pos mnyes pa'i mchod pa chen po 'di ched du brjod do/ / de la mchod sbyin dam pa 'di// thog mar bdag nyid rtogs goms bsgral// de nas gnyis med blo yis ni// blo ngan 'jig rten snying re rje// gnyis su
127a3 med par bsgrol bar bya/ / 'khril pa'i mchod chen mnyam sbyor pas// bdag nyid mnyes pas mnyes par bya// mnyam pa'i grub rdzas chen po dag/ bdag dang mnyam pa'i tshogs la dbul// bza' dang bca' dang btud dang ba'o//
127a4 longs spyod lnga ldan thams cad ni// dkyil 'khor la ni dkyil 'khor thim// phyogs bcu dus bzhir gshegs pa yi// bder gshegs yon tan rmad po che// gzhan nas yod 'ongs ma yin te// lha srin la sogs smos ci
127a5 dgos/ / rnal 'byor las su rung rnams kyis// phyag rgya chen por rdzogs gyur cig/ gsal ba'i yid gnyis med pa na// dkyil 'khor chen po 'bar bar 'gyur// zhes brjod pas mnyes pa chen pos 'jig rten drug gi phyogs
127a6 bcu thams cad khyab par gyur to/ / gsang ba'i snying po de kho na nyid nges pa las mchod sbyin dam pa bstan pa'i le'u ste bco brgyad pa'o// // de nas bcom ldan 'das dgyes pa chen pos don yod par bya ba'i phyir dam tshig
127a7 chen po 'di brjod do/ / bla med theg pa rab des na// nyon mongs 'dod lnga kun spyad kyang // byas la mi sog tshogs 'gyur te// tshul khrims sdom pa phun sum tshogs// bla med mchog gi dam tshig tu// 'dul ba'i dbang gis
127a8 gis tshul khrims dang / / ji snyed sdom pa bas ma yas pa// ma lus kun 'dus rnam par dag/ yod med dbu ma'ang mi dmigs shing / sbrum mig g.yod lta bur tshul// srog med srog gcod gcad du med// srog
iiif viewer powered by OpenSeadragon
Texts on this page
Q455 - dpal gsang ba'i snying po de kho na nyid rnam par nges pa