| e-texts navigator |
| བོད་ཡིག |
117b1 dang kha dog mtshan ldan par/ / zhal du gyur pa'i me pos la// bza' btung bro ba'i tshogs rnams kyis// lam bzhi'i mchod par rab tu byin// khro bo'i dkyil 'khor de bzhin te// shin tu phral sbyangs pa yis// bsam yas dag la
117b2 'ang de bzhin bya/ / rig pas dpag pa tsam du'o// mchod pa'i phyag rgya chen po ni// sems kyi yid bzhin sprin tshegs kyis// phyogs bcwa thams cad sangs rgyas zhing // mnyen 'jal reg na bde ba yi// sna tshogs rin
117b3 po che yi gzhi/ / mdzes par bris shing spras pa dang // kun 'byung rin chen phung por 'bar// dbyibs legs rdzing bu bro mchog bsil// rin chen khang pa sna tshogs dang // rgyan dang dpag bsam ljon pa'i tshal// klu dbyangs
117b4 tshigs su bcad pa'i sgra/ / bla re rgyal mtshan na bza' gdugs// do shal dpung rgyan se mo do// bza' dang btung ba'i mchog rnams dang // rang la mdzes par brgyan pa yi// lha dang lha mo rdul snyed kyis// bro gar la sogs
117b5 bsam yas kyi/ / phyogs bcu nam mkha'i khams bkang nas// dkyil 'khor kun la rgyas par dbul// skal ldan kasal ba'i khyad par gyis// rim gyis yang na gcig car du// chos kyi dbyings dang mnyam sbyor ba'i// matod
117b6 pa'i phyag rgya chen por bsgom/ / gsal ldan ma 'am byin brlabs la// stong gsum yungs 'brur 'jug tshul du// dbyings nas dkyil 'khor spyan drang mchod// mnyes nas grub pa'i dam tshig mchog/ bdag nyid chen
117b7 po mchod pa yis/ / sangs rgyas dkyil 'khor ma lus mnyes// srid gsum 'gro ba thams cad la// dga' ba chen pos khyab par 'gyur// sgyu 'phrul drab bstan pa yis// phyogs bcu dus bzhir gshegs pa yi//
117b8 sangs rgyas dkyil 'khor ma lus dang // khams gsum 'gro rnams mngon du 'gyur// lus ngag sems dang chos thams cad// gang na'ang mi gnas mi dmigs pa// mig g.yor tshul du sbyor ba yis// dam mkha'
iiif viewer powered by OpenSeadragon
Texts on this page
Q455 - dpal gsang ba'i snying po de kho na nyid rnam par nges pa